U Maskvie zahinuŭ były vice-prezident u karparatyŭnym mieniedžmiencie kampanii «JUKOS EP» Michaił Rahačoŭ, pišuć rasijskija ŚMI. Pavodle papiarednich źviestak, jon vypaŭ z akna.
Paviedamlajuć, što ŭ 64-hadovaha Michaiła Rahačova nibyta była ciažkaja forma ankałohii i jon pakinuŭ pieradśmiarotnuju zapisku. Pavodle papiaredniaj viersii, mužčyna ŭčyniŭ samahubstva.
U toj ža čas krynica telehram kanała «VČK-OHPU» paviedamlaje, što abstaviny śmierci byli dziŭnyja. Svajaki Rahačova nibyta kažuć, što ŭ jaho nie było nijakich pieradumoŭ da samahubstva. Maŭlaŭ, jon paśniedaŭ razam ź blizkimi, byŭ u narmalnym nastroi, a potym cieła mužčyny znajšli pad voknami doma.
Jahonaje cieła, kažuć, kala padjezda doma na Pratapopaŭskim zavułku vyjaviŭ supracoŭnik Słužby źniešniaj raźviedki Rasii, jaki źjaŭlajecca piersanalnym kiroŭcam Siarhieja Vinakurava — byłoha pieršaha namieśnika dyrektara SZR.
Akramia pracy ŭ JUKOSie, Rahačoŭ taksama ŭ svoj čas zajmaŭ kiraŭničyja pasady ŭ inviestycyjnaj hrupie ONEKSIM i ŭ «Narylskim nikieli». U JUKOSie jon pracavaŭ z 1996 da kanca isnavańnia kampanii — u roznych padraździaleńniach. Taksama Rahačoŭ zajmaŭsia navukovaj dziejnaściu ŭ halinie mietałurhii, jon mieŭ stupień kandydata techničnych navuk.
Varta adznačyć, što niečakanyja i zahadkavyja śmierci apošnim časam rehularna zdarajucca siarod top-mieniedžmientu rasijskich bujnych kampanij.
U Maskvie znajšli niežyvym niamieckaha top-mieniedžara bujnoj hornazdabyŭnoj kampanii
Vice-prezident «Łukojła» skončyŭ žyćcio samahubstvam
U «Łukojle» znoŭ pamior top-mieniedžar — užo čaćviorty za dva hady
Raptoŭna pamior jašče adzin rasijski top-mieniedžar
Rasijski top-mieniedžar pamior va ŭzroście 40 hadoŭ
Usiu Biełaruś pačali razmaloŭvać prymityŭnymi murałami ad BRSM 7
Kamientary