Ci byŭ u Kanapackaj niamiecki DNŽ, jaki pieraškadžaje joj stać kandydatkaj-spojleram?
Čarhovyja prezidenckija vybary ŭ Biełarusi pryznačyli na 26 studzienia 2025 hoda. Na hety momant namier udzielničać u ich ahučyli ŭ Libieralna-demakratyčnaj partyi Aleha Hajdukieviča. Taksama płanam bałatavacca dzialiłasia Hanna Kanapackaja.
Praŭda, zhodna ź ciapierašniaj Kanstytucyjaj i Vybarčym kodeksam, prezidentam nie moža być abrany čałaviek, jaki raniej mieŭ dazvoł na žycharstva ci inšy dakumient zamiežnaj dziaržavy, jaki daje prava na lhoty i pryvilei.
A taki ŭ Hanny Kanapackaj jakraz byŭ. Byłyja paplečniki palityčnaj dziajački paćvierdzili «Našaj Nivie», što Hanna była ŭładalnicaj niamieckaha dazvołu na žycharstva jak minimum na praciahu 2016—2019 hadoŭ.
«Padčas pajezdak za miažu jana zaŭsiody pakazvała na kantroli hety DNŽ».
Nahadajem, Hanna Kanapackaja bałatavałasia ŭ prezidenty ŭ 2020 hodzie (tady Kanstytucyja jašče mieła mienš strohija patrabavańni da kandydataŭ, u tym liku datyčna najaŭnaści DNŽ). U vynikovym pratakole jaje pastavili na treciaje miesca — vyšej za Andreja Dźmitryjeva i Siarhieja Čeračnia.
Pierad tym Kanapackaja była deputatkaj Pałaty pradstaŭnikoŭ (2016—2019). A pačynała jana palityčnuju karjeru ŭ składzie Abjadnanaj hramadzianskaj partyi. Viadoma, što ŭ Zachodniaj Jeŭropie Hanna zajmałasia biznesam.
Apytanka
Karpienka patłumačyŭ, čym abhruntavana data prezidenckich vybaraŭ
«Čarhovaja sproba pierapryznačyć samoha siabie na ŭzurpavanuju pasadu». Łatuška prakamientavaŭ datu prezidenckich vybaraŭ
«Dźmitryjevu skazali: «Kali niešta nie toje, adrazu vierniešsia ŭ turmu. A Čeračań vymušana zamoŭk paśla prysudu Dźmitryjevu»
Ciapier čytajuć
Zatrymali kiraŭnikoŭ ivent-kampanij. Adzin ź ich dapamahaŭ ładzić kancerty ŭ padtrymku Łukašenki4
Zatrymali kiraŭnikoŭ ivent-kampanij. Adzin ź ich dapamahaŭ ładzić kancerty ŭ padtrymku Łukašenki
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary