«Pierapryznačyć samoha siabie na ŭzurpavanuju pasadu». Łatuška prakamientavaŭ datu prezidenckich vybaraŭ
Palityk Pavieł Łatuška prakamientavaŭ pryznačeńnie daty prezidenckich vybaraŭ u Biełarusi.
«Łukašenka baicca svajho narodu, tamu, jak i ź inaŭhuracyjaj u 2020 hodzie, trymaŭ datu vybaraŭ u tajamnicy i pryznačyŭ jaje spadciška», — zajaviŭ Łatuška.
Pavodle jaho słoŭ, u Biełarusi adsutničajuć bazavyja ŭmovy dla praviadzieńnia vybaraŭ.
«Dadzienaje dziejstva, jakoje płanuje arhanizavać Łukašenka, nielha nazvać inakš, jak sprobaj pierapryznačyć samoha siabie ŭ čarhovy raz na ŭzurpavanuju pasadu prezidenta Respubliki Biełaruś», — kaža jon.
Łatuška źviartaje ŭvahu, što ŭ turmach režymu znachodziacca tysiačy palitźniavolenych. Siarod ich byłyja kandydaty na pasadu prezidenta Respubliki Biełaruś u papiaredniaj vybarčaj kampanii.
Pa-druhoje, u Biełarusi likvidavany ŭsie niezaležnyja srodki masavaj infarmacyi.
Pa-treciaje, u Biełarusi likvidavany ŭsie apazicyjnyja palityčnyja partyi.
Pa-čaćviortaje, u Biełarusi likvidavana bolš za 1700 niaŭradavych arhanizacyj, što składaje bolš za 50% usich niaŭradavych arhanizacyj, jakija dziejničali ŭ Biełarusi na pieryjad 2020 hoda.
«U Biełarusi stvorana atmaśfiera strachu i poŭnaha strachu i teroru, što nie dazvalaje kazać ab mahčymaści arhanizacyi svabodnaj rehistracyi kandydataŭ na pasadu prezidenta i praviadzieńnia vybarčych kampanij. Łukašenka ździajśniaje masavyja represii ŭ dačynieńni da biełaruskaha naroda, padazrajecca va ŭčynieńni vajennych złačynstvaŭ, złačynstvaŭ suprać čałaviečnaści i akta ahresii. Jaho miesca nie na pasadzie prezidenta, a ŭ Mižnarodnym kryminalnym sudzie», — kaža palityk.
Łatuška zaklikaje demakratyčnych partnioraŭ zajavić ab niemahčymaści praviadzieńnia česnych vybaraŭ prezidenta Respubliki Biełaruś «u toj atmaśfiery strachu i teroru, jakaja stvorana ŭ našaj krainie».
Siońnia stała viadoma, što vybary prezidenta Biełarusi pryznačanyja na 26 studzienia 2025 hoda. Jany projduć užo za try miesiacy.
Apytanka
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary
Łukašenku demakratyja nie patrebnaja, a palityčnyja (demakratyčnyja?) struktury joj karystacca nie ŭmiejuć ci bajacca.