U centry Minska na prodaž vystavili kvateru ŭ stalincy, dzie kvadratny mietr kaštuje bolš za 3 tysiačy dalaraŭ
Stalinka zvonku, chaj-tek unutry.
Na adnoj ź placovak pa handli nieruchomaściu źjaviłasia abjava pra prodažy kvatery ŭ starym domie-stalincy. Za «dvušku» vielmi ścipłaj płoščy chočuć 119 tysiač dalaraŭ, piša Blizko.by.
Kvatera znachodzicca ŭ domie 15 pa vulicy Vaładarskaha. Dom pabudovy 1952 hoda, kvatera na pieršym paviersie z čatyroch. Ahulnaja płošča — 38,1 kvadratnaha mietra, ź ich žyłaja — 25,9 kv. m.
U kvatery vykanany sučasny ramont u styli łoft, a stoli vyšynioj da 3,5 mietra dazvolili arhanizavać druhi ŭzrovień, dzie raźmiaściŭsia dadatkovy dvuchspalny matrac.
Sanvuzieł u kvatery sumieščany (vanny niama, tolki duš), bałkona niama. Kvatera kaštuje 396 556 rubloŭ, abo 119 tysiač dalaraŭ u ekvivalencie.
Atrymlivajecca, što ŭ siarednim adzin kvadratny mietr abyjdziecca pakupniku ŭ 3.123 dalara.
Kamientary