Učastak respublikanskaj trasy M-3 Minsk — Viciebsk adkryŭsia paśla rekanstrukcyi. Padzieju prymierkavali da 7 listapada.
U cyrymonii adkryćcia pryniali ŭdzieł vice-premjer Anatol Sivak i ministr transpartu i kamunikacyj Alaksiej Lachnovič. Sivak raskazaŭ, što paśla rekanstrukcyi ŭčastak darohi ad Łahojska da Pleščanic atrymaŭ najvyšejšuju — pieršuju — katehoryju. Da hetaha, pavodle jaho słoŭ, jon mieŭ druhuju katehoryju, a daroha ličyłasia adnoj z samych napružanych u krainie z ulikam hruzavoha trafiku.
U ramkach rekanstrukcyi na ŭčastku ad Łahojska da Pleščanic pakłali bietonnaje pakryćcio, pabudavali novy most nad rakoj Hajna, raźviazku kala Chatyni, a daroha atrymała čatyry pałasy zamiest dźviuch i chutkasny režym da 120 km/h.
Ramont na 15-kiłamietrovym učastku pačaŭsia ŭ červieni 2023 hoda. Pieršapačatkova pracy płanavałasia zaviaršyć u śniežni 2024-ha, adnak potym u Mintransie zajavili, što rekanstrukcyja budzie zavieršana raniej. Budaŭnictva adnaho kiłamietra darohi na ŭčastku abyšłosia ŭ 9,3 miljona rubloŭ.
Zajaŭlajecca, što hetym abjektam raspačata stvareńnie ŭ Biełarusi novaha mižnarodnaha transpartnaha kalidora da partoŭ Sankt — Pieciarburha.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj7
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1515
Kamientary