Hramadstva1313

«Nam po**j. Kali pa rukach nie daduć za niezakonnaje zatrymańnie, možam i babulu razam ź imi zakryć»

Realnaja historyja taho, jak supracoŭniki milicyi ŭ parušeńnie zakonu adpravili na sutki maci dvuch niepaŭnaletnich dziaciej.

Kibierpartyzany apublikavali zapis razmovy siłavikoŭ, jakija 15 maja 2021 hoda zatrymali siamiejnuju paru za demanstracyju bieł-čyrvona-biełaj simvoliki. U siamiejnaj pary dvoje niepaŭnaletnich dziaciej.

Zhodna z Kodeksam ab administracyjnych pravaparušeńniach, da zatrymanaj žančyny nielha prymianić aryšt — bo ŭ jaje jość niepaŭnaletnija dzieci. Ale heta nie pieraškadžaje milicyjanieram adpravić žančynu razam z mužam na sutki.

Praź niekalki hadzin paśla zatrymańnia namieśnik načalnika milicyi hramadskaj biaśpieki Minabłvykankama Mikałaj Maksimovič pazvaniŭ načalniku milicyi hramadskaj biaśpieki Minskaha RUUS Siarhieju Udodavu i, papiarednie vyśvietliŭšy, kolki ŭ siamiejnaj pary niepaŭnaletnich dziaciej, daŭ zahad, kab «i jon, i jana zastalisia ŭ izalatary časovaha ŭtrymańnia».

Mikałaj Maksimovič Nikołaj Maksimovič
Mikałaj Maksimovič. Skryn videa: PartizanWave / YouTube

— Ale pry hetym patrebna, kab tłumačeńnie było i adnaho, i druhoj, što dziaciej jość z kim pakinuć, — daje instrukcyi Maksimovič i ŭdakładniaje, z kim možna pakinuć dziaciej.

— Ja skazaŭ znajści babu. Ja skazaŭ ciešču znajści, hetuju, nu, śviakruchu. Jaje apytać, što «dzieci sa mnoju» i [ŭziać] raśpisku ab tym, što jana pryniała dziaciej na adkaznaje zachoŭvańnie, — adkazvaje Udodaŭ.

Siarhiej Udodaŭ Sierhiej Udodov
Siarhiej Udodaŭ. Skryn videa: PartizanWave / YouTube

— Maładziec. Usio. Abaviazkova hetyja dvoje zastajucca ŭ nas, zajazdžajuć da nas u našy ŭmovy z poŭnaj chlebasolnaściu.

Praź niekatory čas Udodaŭ abmiarkoŭvaje niezakonnaje zatrymańnie maci niepaŭnaletnich dziaciej z načalnikam Minskaha RUUS Alaksandram Holikavym. Abodva pryznajuć, što pry najaŭnaści advakata situacyja mahła skłaścisia pa-inšamu.

Alaksandr Holikaŭ Aleksandr Holikov
Alaksandr Holikaŭ. Skryn videa: PartizanWave / YouTube

Udodaŭ raskazaŭ, što ŭdakładniŭ, ci zajaŭlaŭ chto-niebudź ź siamiejnaj pary pra advakata. Takoha nie było. Tamu, jak jon ličyć, treba vykonvać zahad, jaki daŭ načalnik UUS Minharvykankama Alaksandr Astrejka.

— Nu i ŭsio, u pryncypie. Kali tam kamanda, tam patrabujuć, kab «zakryli» dvaich. Nu zakryjem dvaich, i ŭsio, — zaŭvažaje Udodaŭ.

U dalejšaj razmovie Holikaŭ akcentuje ŭvahu, što zhodna z zakanadaŭstvam žančynu zatrymlivać nielha, ale «kali admašku daje Astrejka, tady možna budzie «pabiezzakonić» («pobiespriedieliť»):

— Nu niezakonnaje zatrymańnie budzie. Hladzi, situacyja: kali nam pa rukach nie daduć za niezakonnaje zatrymańnie, nam po**j, my možam i babulu razam ź imi zakryć. Ale kali potym nam pradjaviać, što «Dzie vy byli? Niezakonnuju mieru, bł**, strymańnia ŭžyli». Tady my, bł**, skažam: «Vybačajcie, bł**. My ŭ*bki, vykonvali vašy ŭkazańni». Nam skažuć: «A dzie ž vašy viedy?» Kali nam daduć ukazańnie «jeb**cie, chłopcy» (nu — «pracujcie, chłopcy»), tady, tak, pytańniaŭ niama.

Prykładna praz hadzinu paśla hetaj razmovy Holikaŭ patelefanavaŭ Udodavu, kab udakładnić, čym usio skončyłasia. Toj paviedamiŭ:

«Usio narmalna. «Zakryvajem» dvaich. Kamandu Kazłoŭ daŭ (pieršy namieśnik načalnika UUS Minaabłvykankama — načalnik milicyi hramadskaj biaśpieki. — NN) usio aformić dakumientalna. (…) Užo aformili ŭsio».

Na što Holikaŭ zaŭvažyŭ: «Nu i ŭsio. Hałoŭnaje, kab nam nastupstvaŭ nie było, a astatniaje ŭsio poch*j».

Kibierpartyzany adznačajuć, što situacyja z hetym zatrymańniem — jaskravy prykład taho, jak siłaviki karystajucca tym, što ludzi drenna raźbirajucca va ŭłasnych pravach i zakanadaŭčych normach. Jana demanstruje, jak šlacham zapužvańnia i padmanu zatrymanych pa palityčnych matyvach i ich svajakoŭ prymušajuć prymać rašeńni, jakija parušajuć ich pravy.

Za hety kankretny vypadak Kryminalny kodeks Biełarusi praduhledžvaje dla Maksimoviča, Udodava, Kazłova, Holikava i Astrejki da 10 hadoŭ źniavoleńnia za pieravyšeńnie ŭłady.

Kamientary13

  • Psich
    07.11.2024
    "Babuška riadyškom s dieduškoj
    Stolko let, stolko let vmiestie."
  • Pa zakonu
    07.11.2024
    Buduć, s*ki, siadzieć!
  • "_
    07.11.2024
    Heta śviedčyć nie pra niejkuju tam niepiśmienaść jurydyčnuju ludziej, a pra poŭnaje biezzakońnie i biespakaranaść miantoŭ i hebja. Vy jašče rapaviadzicie pra niepiśmiennaść habrejaŭ i antyfašystaŭ u Hiermanii, pra niepiśmiennaść našych ludziej 29-30 kastryčnika 1937.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp: 17 sistem Patriot adpravim va Ukrainu9

Tramp: 17 sistem Patriot adpravim va Ukrainu

Usie naviny →
Usie naviny

Biespracoŭnych užo vyklikajuć u milicyju pozvami — čamu heta niezakonna7

HUBAZiK sfatahrafavaŭ zatrymanych z padroblenymi pašpartami Novaj Biełarusi20

HUBAZiK zajaviŭ pra zatrymańnie dvuch mahiloŭcaŭ: nibyta jany jechali ŭ krainu z pašpartami Novaj Biełarusi15

Ad čajavańnia z abarankami da piesień pra «hierojaŭ SVA». Jak Ruski dom prynosić u Hrodna ruski śviet17

Biełaruski viertalot Mi-24 źbiŭ rasijski bieśpiłotnik, jaki lacieŭ va Ukrainu8

Zabojstva pałkoŭnika SBU ŭ Kijevie ździejśnili hramadzianie Azierbajdžana6

Žychary ahraharadka źviarnulisia da Łukašenki: dziciačy sadok zakryvajuć, a małych, navat dvuchhadovych, buduć vazić za 20 km10

Jak žyvie prosty minski zvarščyk, jaki vyjhraŭ try miljony rubloŭ5

Kudy addać sioleta svaich dziaciej, kab jany vučylisia pa-biełarusku1

bolš čytanych navin
bolš łajkanych navin

Tramp: 17 sistem Patriot adpravim va Ukrainu9

Tramp: 17 sistem Patriot adpravim va Ukrainu

Hałoŭnaje
Usie naviny →

Zaŭvaha:

 

 

 

 

Zakryć Paviedamić