Śviet55

«Nie adčajvajciesia»: Kamała Charys vystupiła pierad prychilnikami

«Demakratyja — heta kali toj, chto prajhraŭ, sychodzić, paciarpieŭšy parazu», — nahadała jana.

Kamała Charys. Fota: Stephanie Scarbrough / AP

Kamała Charys, jakaja prajhrała prezidenckija vybary, vystupiła pierad svaimi prychilnikami, zaklikaŭšy tych, chto jaje padtrymlivaŭ, nie adčajvacca i vieryć u toje, što heta paraza — tolki prajhranaja bitva ŭ baraćbie za demakratyčnyja kaštoŭnaści, jakaja abaviazkova skončycca pieramohaj, piša Bi-bi-si.

«Ja viedaju, šmat kamu zdajecca, što nastupajuć ciomnyja časy, ale — dziela ŭsich nas — ja vielmi spadziajusia, što heta nie tak», — skazała jana, paabiacaŭšy dapamahčy ŭ mirnym pracesie pieradačy ŭłady administracyi Trampa.

Kančatkovyja vyniki jašče nie padviedzienyja, adnak pieramoha Trampa niepaźbiežnaja: jon užo dakładna pieramoh u piaci ź siami Štataŭ, klučavych dla abodvuch kandydataŭ, i ŭpeŭniena lidziruje ŭ Nievadzie i Aryzonie, dzie padlik hałasoŭ jašče praciahvajecca.

Na hety raz demakraty prajhrali respublikancam nie tolki Bieły dom, ale i bolšaść u Pałacie pradstaŭnikoŭ, choć kančatkovy raskład sił tam taksama jašče treba budzie vyznačyć.

Na padviadzieńnie kančatkovych vynikaŭ hałasavańnia moža pajści niekalki dzion. Adnak Kamała Charys užo dała zrazumieć, što — u adroźnieńnie ad svajho supiernika, jaki admoviŭsia ŭ 2020 hodzie pryznać pieramohu Džo Bajdena, — jana pavažaje vybar amierykanskaha naroda, jaki skazaŭ joj pierakanaŭčaje «nie», i padparadkujecca voli vybarščyka.

«Demakratyja — heta kali toj, chto prajhraŭ, sychodzić, paciarpieŭšy parazu, — nahadała jana. — Pryznaje pieramohu apanienta, a nie asprečvaje vyniki hałasavańnia. Tak vyjaŭlajecca sapraŭdnaja pavaha da svajho vybarščyka».

Padziakavaŭšy tym, chto padtrymlivaŭ jaje na praciahu ŭsioj kampanii, jana paabiacała im praciahnuć ich ahulnuju baraćbu. Dla pieramohi ŭ joj, pa jaje słovach, dastatkova prosta nie zdavacca.

Z asobnym pažadańniem jana źviarnułasia da svaich maładych vybarščykaŭ.

«Padčas pieradvybarčaj kampanii ja časta paŭtarała: kali ty praciahvaješ zmahacca, ty abaviazkova pieramožaš, — nahadała jana. — Ja chaču padkreślić: usio budzie dobra».

«Nie kožnuju bitvu ŭdajecca vyjhrać. Ale pryznańnie parazy zusim nie značyć, što finalnaja pieramoha nie budzie za nami. Tamu što ŭ finale my dakładna voźmiem vierch — i budziem pieramahać datul, pakul nie zdamosia i nie spynim baraćbu», — zapeŭniła jana.

Prychilniki adkazali joj uchvalnymi vokličami i apładysmientami. Śvist pačuŭsia tolki adzin raz — kali jana zhadała, što patelefanavała Donaldu Trampu, kab pavinšavać jaho ź pieramohaj.

Kamientary5

  • Freddy
    07.11.2024
    V Piensilvanii 80 000 Amiš posielenciev( u nich osoboje otnošienije k žiźni i rielihii) v piervyje v istorii SŠA zariehistrirovaliś čtoby učastvovať v vyborach i hołosovali za Trampa.
  • antiamiš
    07.11.2024
    dyk a ŭ ich ža žančyna - nie čałaviek
  • Žeka
    07.11.2024
    Drill baby, drill!
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4

33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj

Usie naviny →
Usie naviny

U Kijevie z-pad ruinaŭ doma ŭsio jašče čutnyja zvanki telefonaŭ3

Śviatar Siarhiej Tryścień znachodzicca doma

Tramp: My majem damovu z Rasijaj, zaraz patrebnaja zhoda Zialenskaha9

«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki13

Pamior vajenny karespandent rasijskaha telekanała «Źviezda»1

Rasija naniesła masiravany ŭdar pa haradach Ukrainy, u Kijevie — dzieviać zahinułych, 63 paranienyja2

Bieły dom pra apošniuju zajavu Trampa: u prezidenta «zakančvajecca ciarpieńnie»13

Špakoŭski pra saŭładalnika «Varhiejminha» Kacałapava: Prafinansavaŭ pratesty na 296 tysiač dalaraŭ13

Nie kažy ty mnie słoŭ, što nie hrejuć ciapłom, Alaksandr Čarnucha4

bolš čytanych navin
bolš łajkanych navin

33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4

33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj

Hałoŭnaje
Usie naviny →

Zaŭvaha:

 

 

 

 

Zakryć Paviedamić