Śviet1919

Sacyjałahičny analiz: chto padtrymaŭ Trampa, a chto — Charys

Maładyja mužčyny nie pavieryli ŭ Charys i pastułaty demakrataŭ. Ale nie tolki jany. Da Trampa schililisia i vialikija siehmienty inšych sacyjalnych i rasavych hrupaŭ.

Donald Tramp na kanviencyi Respublikanskaj partyi, 18 lipienia 2024 hoda. Fota: Anna Moneymaker/Getty Images

Pieršyja vyniki ekzit-poła AP VAP VoteCastoteCast

, jaki daśledavaŭ simpatyi amierykanskich vybarščykaŭ, dajuć mahčymaść zrazumieć, z kaho składajecca elektarat kandydata ad Respublikanskaj partyi ZŠA.

U honcy za prezidenckaje kresła Tramp zmoh dabicca prychilnaści maładych vybarščykaŭ-mužčyn.

Danyja apytańnia vybarščykaŭ u aŭtorak pakazali, što Tramp atrymaŭ na 11 pracentnych punktaŭ bolš hałasoŭ mužčyn va ŭzroście ad 18 da 29 hadoŭ, čym Kamała Charys (54% suprać 43%). U 2020 hodzie simpatyi hetaj hrupy vybarščykaŭ byli na baku Bajdena. Tady jon sabraŭ u hetaj katehoryi 56% hałasoŭ — na 15% bolš za svajho apanienta.

Tramp čarhovy raz pryciahnuŭ bolš biełych vybarščykaŭ ź sielskaj miascovaści,

što dapamahło jamu nabrać adryŭ u šerahu štataŭ. Kamała Charys nie zmahła efiektyŭna supraćdziejničać hetamu za košt pavieličeńnia svajoj padtrymki ŭ haradach. Heta palehčyła Trampu dasiahnieńnie bujnych pieramoh. Jahonaja papularnaść rasła ŭ sielskich i pryharadnych rajonach.

Charys apiaredziła Trampa siarod vybarščykaŭ z vyšejšaj adukacyjaj na 16 pracentnych punktaŭ, u toj čas jak Tramp vyjhraŭ siarod vybarščykaŭ biez vyšejšaj adukacyi na 9 pracentaŭ.

Dla paraŭnańnia, u 2020 hodzie Bajden taksama lidziravaŭ siarod vybarščykaŭ z vyšejšaj adukacyjaj na 16 pracentaŭ, ale Tramp tady mieŭ pieravahu siarod ludziej biez dypłoma tolki na 4 pracenty, što stvarała razryŭ usiaho na 20 pracentaŭ.

Naziralniki adznačajuć, što vybary pakazali dalejšy rost palityčnaha raskołu pamiž ludźmi z vyšejšaj adukacyjaj i bieź jaje.

Respublikanskaja partyja taksama dabiłasia istotnych pośpiechaŭ siarod niabiełych vybarščykaŭ.

Pa dadzienych AP VoteCast, siarod čarnaskurych vybarščykaŭ dola hałasoŭ za Trampa vyrasła da 15% u paraŭnańni z 8% u 2020 hodzie. Anałahičny skačok adbyŭsia i z łacinaamierykancami — Tramp atrymaŭ 41% hałasoŭ hetaj hrupy vybarščykaŭ, što na 6 punktaŭ vyšej, čym u 2020 hodzie.

Ahułam, Kamała Charys nie zdoleła pierakanać amierykanskich vybarcaŭ u svajoj zdolnaści stać efiektyŭnym i mocnym prezidentam. Trampa ličyli lepšym u zdolnaści palepšyć ekanomiku, i heta pradvyznačyła vynik vybaraŭ.

Kamientary19

  • .
    06.11.2024
    > vybary pakazali dalejšy rost palityčnaha raskołu pamiž ludźmi z vyšejšaj adukacyjaj i bieź jaje

    Karaciej, tupych niekalki bolš, jany pieramahajuć kolkaściu.

    Heta pry demakratyi. Pry aŭtarytaryźmie (Rasieja) tupych značna bolš.
  • Rołł
    06.11.2024
    Razumnyja ludzi addali pieravahu kandydatu ad demakrataŭ, i heta nia dziva. Adukavanyja ludzi nie viaducca na emacyjnaje pustasłoŭje, ich nia prosta padmanuć, bo rozum majuć.
  • 1
    06.11.2024
    Pierahledzieŭ pa dyjahanali artykuły libieralnych ŚMI ZŠA i Jeŭropy. Asnoŭnyja tezisy tam takija, što (i) va ŭsim vinavatyja mužčyny (ii) toje, što ZŠA nie hatovyja da prezidenta-žančyny (iii) toje, što Trampu nie paškodzili sudy i chłuśnia (iv) Kitaj, Iran i Rasija (v) Iłan Mask. I ŭvohule, ZŠA heta nie demakratyja, ale, jak ni paradaksalna, zaraz demakratyja tam u niebiaśpiecy.
    Pra inflacyju, wokeness, paharšeńnie uzroŭniu žyćcia, kryminał, cancel culture, bieskantrolnuju mihracyju, moŭnyja dyktaty i sprobu vyjechać vyklučna na tym, što ty suprać "fašyzmu", naturalna, niama ni słova. Što ž, chaj dalej žyvuć u svaim śviecie.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

ZŠA hałasavali ŭ AAN pa rezalucyi nakont vajny va Ukrainie razam z Rasijaj i Biełaruśsiu45

ZŠA hałasavali ŭ AAN pa rezalucyi nakont vajny va Ukrainie razam z Rasijaj i Biełaruśsiu

Usie naviny →
Usie naviny

U centry Minska ludzi vyhulvali sabak prosta pa lodzie Śvisłačy. Ich haniali ratavalniki

«Ich sabaki brešuć pa načach, pałochajuć dziaciej». Žychary šmatpaviarchovika ŭ Minsku skardziacca na susiedziaŭ, što pierajechali z pryvatnaha doma2

Viadomyja imiony minimum 100 tysiač rasijan, jakija zahinuli na vajnie z Ukrainaj10

4,972% — voś čamu heta samaja važnaja ličba niamieckich vybaraŭ19

Udzielniki vajny z Ukrainaj, jakija viarnulisia z vajny, zabili ŭ Rasii jak minimum 240 čałaviek

Vajskoŭca Duduka z 120-j asobnaj miechanizavanaj bryhady sudziać za pieravyšeńnie ŭłady2

Pratasievič: Viadomyja vypadki, kali źniavolenyja admaŭlalisia pryznavać vinu i ŭsio adno atrymlivali pamiłavańnie7

U rasijskaje konsulstva ŭ Marsieli kinuli dva kaktejli Mołatava

«Nichto nie zrabiŭ bolšaje škody dla Biełarusi, čym jon»? List pra Stanisłava Šuškieviča37

bolš čytanych navin
bolš łajkanych navin

ZŠA hałasavali ŭ AAN pa rezalucyi nakont vajny va Ukrainie razam z Rasijaj i Biełaruśsiu45

ZŠA hałasavali ŭ AAN pa rezalucyi nakont vajny va Ukrainie razam z Rasijaj i Biełaruśsiu

Hałoŭnaje
Usie naviny →

Zaŭvaha:

 

 

 

 

Zakryć Paviedamić