Dniami źjaŭlalisia pieršyja paviedamleńni pra bai pamiž USU i paŭnočnakarejskimi vajskoŭcami, jakich Kim Čen Yn adpraviŭ dapamahać Pucinu. Prezident Ukrainy paviedamiŭ, što azijaty panieśli pieršyja straty.
«11 tysiač paŭnočnakarejskich sałdat siońnia prysutničajuć na terytoryi RF, u pryhraniččy z Ukrainaj, a mienavita ŭ Kurskaj vobłaści. Častka hetych vojskaŭ užo ŭdzielničała ŭ bajavych dziejańniach suprać ukrainskich vajskoŭcaŭ, užo jość straty», — skazaŭ Zialenski na pres-kanfierencyi pa vynikach udziełu ŭ samicie Jeŭrapiejskaj palityčnaj supolnaści.
Prezident Ukrainy dadaŭ, što jość krainy, jakija adreahavali na prysutnaść azijataŭ na froncie hučna, jość krainy, jakija adreahavali cicha, i jakija nie adreahavali.
«Ciapier my papiaredžvajem i ličym, što kali my nie budziem vykarystoŭvać palityčny cisk i adpaviednuju zbroju suprać RF, to nastupnym krokam moža stać značna bolšaje vykarystańnie paŭnočnakarejskaha kantynhientu. Bo Pucin zaŭsiody hladzić, jakaja reakcyja śvietu. Ja liču, što na siońnia jana niedastatkovaja».
Ciapier čytajuć
Startavała anłajn-apytańnie biełarusaŭ nakont ekanomiki i žyćcia, anansavanaje premjeram Turčynym6
Kamientary