Biełarusam prapanujuć paŭdzielničać u «elektronnych vybarach» narodnych deputataŭ SSSR
Mininfarmacyi raspaviadaje pra dziŭnuju rassyłku ad imia CVK SSSR z padazronymi spasyłkami.
U rassyłcy ad imia Centralnaj vybarčaj kamisii SSSR havorycca ab praviadzieńni niejkaha refierendumu i vybaraŭ u Saviety narodnych deputataŭ.
Hałasavańnie «pryznačyli» na 21—24 listapada, da lista prykładajucca śpisy kandydataŭ.
Cikava, što ludzi ŭ śpisach realnyja. Naprykład, Alena Kłačko sapraŭdy ŭznačalvaje Saviet deputataŭ Vałožynskaha rajona, a Ludmiła Kananovič była deputatam Pałaty pradstaŭnikoŭ ad Maładziečna. Trapili ŭ śpis i realnyja litoŭskija palityki Saŭlus Jauniejka i Ździsłaŭ Palevič.
U rassyłcy paviedamlajecca, što «vybary» projduć u elektronnym vyhladzie — dla ŭdziełu treba prajści pa spasyłcy. Mininfarm miarkuje, što spasyłki fišynhavyja. Pierachod pa ich moža pryvieści da ŭciečki asabistych źviestak.
Akramia taho, va ŭstanovie miarkujuć, što rassyłka stvoranaja dla «destabilizacyi hramadskaha paradku».
Kamientary