«Jon joj vykołvaŭ vočy». U Rasii na stend tak zvanych hierojaŭ SVA paviesili fota hvałtaŭnika i zabojcy
U Čalabinskaj vobłaści na stend zahinułych «hierojaŭ SVA» źmiaścili fota zabojcy ŭ rezanansnaj spravie.
Administracyja Čabarkula ŭstanaviła niekalki stendaŭ z fotazdymkami miascovych žycharoŭ, jakija zahinuli na vajnie va Ukrainie. Svajački i žonki vajskoŭcaŭ zapisali videazvarot da namieśnika hubiernatara Čalabinskaj vobłaści Stanisłava Mašarava pra toje, što na stend trapiŭ partret Dzianisa Sinicyna. Pa słovach žančyn, u 2014 hodzie jon zhvałciŭ, a zatym zabiŭ žančynu i vykałaŭ joj vočy. U jaje zastalisia dvoje dziaciej.
«Hety Sinicyn u nas zabiŭ niekali tut žančynu, dvoje dziaciej zastalisia biez maci. Zabiŭ jaje žorstka, jon jaje zhvałtavaŭ, jon joj vykołvaŭ vočy. Heta vyradak. Jon nie pryzyvaŭsia, jon pajšoŭ z turmy. Jon tam nie zahinuŭ, jon zdoch, pa-rusku kažučy. My pieršapačatkova ŭzdymali pytańnie z administracyjaj ab tym, što nielha Sinicyna na publiku raźviešvać — horad maleńki, ludzi pamiatajuć heta zabojstva. My ŭsie tady žyli tut, bajalisia na vulicy vychodzić. Ludzi prachodziać i aburajucca», — raspaviadaje žančyna.
U mai 2014 hoda MUS pa Čalabinskaj vobłaści paviedamlała ab zatrymańni ŭ Čabarkule 26-hadovaha raniej sudzimaha mužčyny pa padazreńni ŭ zabojstvie 38-hadovaj žančyny. Na sajcie Čabarkulskaha haradskoha suda infarmacyi ab spravie Dzianisa Sinicyna niama. Pa źviestkach miascovych žycharoŭ, jon zavierbavaŭsia na vajnu va Ukrainu z kałonii i zahinuŭ u studzieni 2023 hoda, piša «Mieduza».
U vyniku haradskaja administracyja zajaviła, što sa stenda źniali fatahrafiju Dzianisa Sinicyna, jakaja vyklikała «nieadnaznačnaje staŭleńnie žycharoŭ».
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie9
Kamientary