«Ён ёй выколваў вочы». У Расіі на стэнд так званых герояў СВА павесілі фота гвалтаўніка і забойцы
У Чалябінскай вобласці на стэнд загінулых «герояў СВА» змясцілі фота забойцы ў рэзананснай справе.
Адміністрацыя Чабаркуля ўстанавіла некалькі стэндаў з фотаздымкамі мясцовых жыхароў, якія загінулі на вайне ва Украіне. Сваячкі і жонкі вайскоўцаў запісалі відэазварот да намесніка губернатара Чалябінскай вобласці Станіслава Машарава пра тое, што на стэнд трапіў партрэт Дзяніса Сініцына. Па словах жанчын, у 2014 годзе ён згвалціў, а затым забіў жанчыну і выкалаў ёй вочы. У яе засталіся двое дзяцей.
«Гэты Сініцын у нас забіў некалі тут жанчыну, двое дзяцей засталіся без маці. Забіў яе жорстка, ён яе згвалтаваў, ён ёй выколваў вочы. Гэта вырадак. Ён не прызываўся, ён пайшоў з турмы. Ён там не загінуў, ён здох, па-руску кажучы. Мы першапачаткова ўздымалі пытанне з адміністрацыяй аб тым, што нельга Сініцына на публіку развешваць — горад маленькі, людзі памятаюць гэта забойства. Мы ўсе тады жылі тут, баяліся на вуліцы выходзіць. Людзі праходзяць і абураюцца», — распавядае жанчына.
У маі 2014 года МУС па Чалябінскай вобласці паведамляла аб затрыманні ў Чабаркуле 26-гадовага раней судзімага мужчыны па падазрэнні ў забойстве 38-гадовай жанчыны. На сайце Чабаркульскага гарадскога суда інфармацыі аб справе Дзяніса Сініцына няма. Па звестках мясцовых жыхароў, ён завербаваўся на вайну ва Украіну з калоніі і загінуў у студзені 2023 года, піша «Медуза».
У выніку гарадская адміністрацыя заявіла, што са стэнда знялі фатаграфію Дзяніса Сініцына, якая выклікала «неадназначнае стаўленне жыхароў».
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска1
Каментары