Zatrymany biełarus, padazravany ŭ sprobie padpału ŭ Hdańsku pa zamovie zamiežnaj vyviedki
Śpiecsłužby Polščy zatrymali ŭ Varšavie hramadzianina Biełarusi, jaki padazrajecca ŭ sprobie padpału abjekta ŭ Hdańsku, paviedamiła Ahienctva ŭnutranaj biaśpieki. Heta čarhovaje zatrymańnie ŭ ramkach bujnoha rasśledavańnia dyviersij.
U sieradu, 13 listapada, Ahienctva ŭnutranaj biaśpieki paviedamiła, što tydzień tamu byŭ zatrymany hramadzianin Biełarusi, jaki padazrajecca ŭ sprobie padpału abjekta ŭ Hdańsku, piša wiadomosci.gazeta.pl. Što heta za abjekt, nie raskryvajecca.
U chodzie rasśledavańnia, paviedamlaje Ahienctva ŭnutranaj biaśpieki, byli vyjaŭleny pradmiety, jakija mahli być vykarystany «dla dalejšaha ažyćciaŭleńnia dyviersijnaj dziejnaści padobnaha kštałtu».
Mužčynu vystavili abvinavačańnie va «ŭdziele ŭ arhanizavanaj złačynnaj hrupie mižnarodnaha charaktaru i ździajśnieńni dyviersijnych dziejańniaŭ abo złačynstvaŭ terarystyčnaha charaktaru pa zamovie zamiežnaj vyviedki».
Rašeńniem suda biełarus časova aryštavany terminam na try miesiacy. Jamu pahražaje navat pažyćciovaje źniavoleńnie.
Hety aryšt — častka bolš šyrokaha rasśledavańnia. Jak paviedamlaje Nacyjanalnaja prakuratura, zatrymańnie biełarusa maje dačynieńnie da arhanizavanaj złačynnaj hrupy, jakaja dziejničała ad imia zamiežnych słužbaŭ.
«U studzieni i traŭni 2024 hoda ŭ ramkach hetaha rasśledavańnia na zapyt prakurora Ahienctva ŭnutranaj biaśpieki zatrymała 4 čałavieki — hramadzian Polščy, Ukrainy i Biełarusi, jakija rychtavalisia da padpału abjektaŭ va Urocłavie, a taksama padpałaŭ abjektaŭ u Hdańsku, Hdyni», — havorycca ŭ zajavie Ahienctva ŭnutranaj biaśpieki.
Ciapier čytajuć
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany1
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary