U Rasii ŭdzielnik vajny zarezaŭ sabutelnika sa słovami «Nie słužyŭ — nie mužyk»
Zabity sam kazaŭ, što źbirajecca na front, ale admoviŭsia ad dapamohi vajskoŭca.
Mužčyny adpačyvali ŭ adnym z baraŭ Maskvy 4 listapada. U ich kampaniju ŭliŭsia ŭdzielnik vajny suprać Ukrainy 32-hadovy Dzianis Kałmanaŭ.
Vajskoviec staŭ raspaviadać pra słužbu na froncie, a potym prapanavaŭ adnamu z členaŭ kampanii, Rusłanu Jakušavu, pajechać na vajnu. Tym bolš, što toj sam skazaŭ, što chočacca zavierbavacca ŭ PVK «Vahnier», pišuć «Aściarožna, naviny».
Kałmanaŭ namiaknuŭ, što moža dapamahčy zaklučyć kantrakt ź Minabarony. Ale Makušaŭ ad dapamohi admoviŭsia i skazaŭ, što sam moža hetym zaniacca.
Praź niekatory čas Kałmanaŭ padpilnavaŭ Rusłana na vulicy, kali toj vyjšaŭ pakuryć, i skazaŭ jamu: «Nie słužyŭ — nie mužyk». Zaviazałasia bojka, ale ich raźniali padaśpiełyja tavaryšy.
Apanienty byccam by pacisnuli adzin adnamu ruki, ale paśla hetaha Kałmanaŭ raptam dastaŭ nož i nanios Makušavu 6 udaraŭ. Na sudzie Kałmanaŭ pryznaŭsia ŭ zroblenym, ale zajaviŭ, što jaho spravakavali na zabojstva, a sam zabity jaho abražaŭ.
Sud prysudziŭ Kałmanava da 8 hadoŭ kałonii strohaha režymu.
-
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju
-
Zialenski: Mirny płan ZŠA skaracili z 28 da 20 punktaŭ, ale ŭ Trampa ŭłasnaje bačańnie
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary