Lhotny kredyt na biełaruskija tavary buduć vydavać pa novych praviłach
Patrabavańni da taho, što ličyć biełaruskimi tavarami, buduć pastrožany.
Kredytnaja prahrama «Na rodnyja tavary» była padoŭžanaja na 2025 hod, ale jość źmieny.
«Śpis tavaraŭ, jakija tudy buduć uklučacca, my budziem padviazvać da łakalizacyi vytvorčaści. To-bok, kali vytvorca, umoŭna kažučy, mebli prosta kuplaje kamplektujučyja dzieści za miažoj i ich składaje, to heta nie budzie ličycca biełaruskim vytvorcam. My budziem rabić bolš žorstkimi patrabavańni da łakalizacyi», — anansavaŭ pieršy namieśnik ministra ekanomiki Andrej Kartun, pieradaje BiełTA.
Pavodle jaho słoŭ, u pastanovie ŭrada №80 «Ab paćvierdžańni vytvorčaści pramysłovaj pradukcyi na terytoryi Respubliki Biełaruś» budzie prapisana, što takoje «biełaruski tavar». I śpis ajčynnych tavaraŭ budzie istotna pierahledžany i dakładna budzie skaročany, padkreśliŭ pieršy namieśnik ministra.
«Abjektyŭna vielmi šmat vytvorcaŭ mebli, jakija tudy trapili, vykarystoŭvajuć bolš za 90% impartnych składnikaŭ. Atrymlivajecca, pa sutnaści, što srodki sychodziać z našaj krainy, a ciapier my budziem padtrymlivać tych, u kaho vysoki ŭzrovień łakalizacyi. Naprykład, u našych chaładzilnikach, dzie hety ŭzrovień dasiahaje 70%», — skazaŭ jon.
Na kolki pracentaŭ tavar pavinien być biełaruskim, pakul vyrašajecca i budzie zaležać ad kankretnaha tavaru.
Spažyvieckija kredyty «Na rodnyja tavary» pakul što vydaje tolki Biełarusbank na try hady pad fiksavanuju na ŭvieś termin kredytavańnia staŭku 4% hadavych dla nabyćcia tavaraŭ biełaruskich vytvorcaŭ.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1515
Kamientary