Budučym kancleram Hiermanii moža stać multymiljanier. Što heta budzie značyć dla Jeŭropy?

Frydrych Mierc, jaki ŭznačalvaje Chryścijanska-demakratyčny sajuz (CHDS) z 2022 hoda, naradziŭsia ŭ 1955 hodzie ŭ pryvilejavanaj siamji. Jaho dzied pa linii maci byŭ pradstaŭnikom arystakratyčnaha rodu francuzskaha pachodžańnia. Na praciahu dvuch dziesiacihodździaŭ dzied byŭ meram Bryłona, dzie naradziŭsia budučy palityk. Baćka Frydrycha byŭ viadomym sudździoj, jaki pravodziŭ siarod inšaha i pracesy nad nacysckimi złačyncami.

U palityku Mierc pryjšoŭ u 17-hadovym uzroście, kali ŭstupiŭ u CHDS, siarod siabroŭ jakoj byŭ jaho baćka. Małady čałaviek atrymaŭ jurydyčnuju adukacyju, mieŭ advakackuju praktyku, pracavaŭ sudździoj.

Z 1989 pa 1994 hod Mierc byŭ deputatam Jeŭraparłamienta, zatym na praciahu 15 hadoŭ — deputatam Bundestaha. U 1998 hodzie jon staŭ namieśnikam lidara frakcyi CHDS/CHSS i ličyŭsia adnym z kandydataŭ na pasadu lidara CHDS, ale ŭ 2002 hodzie prajhraŭ Anhiele Mierkiel.

Pavialičyć

U 2009 hodzie Mierc adyšoŭ ad aktyŭnaj palityčnaj dziejnaści i skancentravaŭsia na biznesie. Ciapier jon uvachodzić u lik multymiljanieraŭ i pieramiaščajecca na ŭłasnym samalocie, jakim kiruje jak piłot-amatar.

Viadoma, što za pasadu kanclera Hiermanii Mierc sprabavaŭ zmahacca jašče ŭ 2001 hodzie. Ale biespaśpiachova. Ciapier jon maje druhi šanc.

Jak piša The Wall Street Journal, Fryndych Mierc viarnuŭsia ŭ palityku ŭ 2018 hodzie, kali CHDS krytykavali za palityku, jakuju pravodziła Anhieła Mierkiel na pasadzie kanclera. Jana zabaraniła jadziernuju enierhietyku, admianiła abaviazkovuju vajskovuju słužbu, pavialičyła sacyjalnyja dapamohi i pryniała amal dva miljony biežancaŭ.

Mierc ža vystupaje za źnižeńnie padatkaŭ dla biznesu, minimizacyju roli dziaržavy, źnižeńnie vydatkaŭ na sacyjalnaje zabieśpiačeńnie, viartańnie abaviazkovaha pryzyvu na vajskovuju słužbu, mocnyja ŭzbrojenyja siły i słužbu biaśpieki, skaračeńnie imihracyi.

Z momantu jaho abrańnia na pasadu staršyni CHDS u 2022 hodzie partyja źmiaściłasia ŭprava, staŭšy bolš kansiervatyŭnaj. U vyniku jaje padtrymka ŭ hramadstvie ŭzrasła na 10 punktaŭ i składaje ciapier 34%.

U toj ža čas analityki źviartajuć uvahu, što asabistaja papularnaść Mierca adstaje ad papularnaści jaho partyi. Lidar CHDS pakul na 10 punktaŭ adstaje ad ciapierašniaha ministra abarony Hiermanii levacentrysckaha Barysa Pistoryusa, jaki źjaŭlajecca samym papularnym palitykam Hiermanii.

U vypadku, kali SDPH zamiest Šolca prapanuje kandydaturu Pistoryusa, Miercu budzie nie tak lohka zaniać pasadu kanclera, navat niahledziačy na vialikuju papularnaść svajoj partyi.

Adnym z klučavych pytańniaŭ, jakoje ŭpłyvaje na pierśpiektyvy Mierca, źjaŭlajecca jaho charaktar. Krytyki ličać, što jaho impulsiŭnaść moža stać surjoznaj pieraškodaj na šlachu da pośpiechu. Pa ŭspaminach adnaho z čynoŭnikaŭ, jakija pracavali ŭ parłamiencie ŭ 1990-ch hadach, Mierc časta hublaŭ samavałodańnie i rabiŭ zajavy, ab jakich paśla škadavaŭ.

U vyniku pieramohi Miercu daviadziecca vyrašać samuju składanuju zadaču pa adnaŭleńni ekanomiki Hiermanii, jakaja nie raście z 2019 hoda.

Vopyt pracy ŭ pryvatnym siektary i bahaćcie dazvalaje paraŭnać lidara CHDS z Donaldam Trampam, ź jakim jamu ŭ vypadku abrańnia na pasadu kanclera daviadziecca ŭstanaŭlivać dobryja adnosiny.

Viadoma, što Mierc sustrakaŭsia z Trampam šmat hadoŭ tamu, kali ŭznačalvaŭ arhanizacyju Atlantik-Brücke, jakaja prasoŭvała amierykana-hiermanskija adnosiny. U toj čas Tramp byŭ jašče tolki zabudoŭščykam.

Nieviadoma, jakoha mierkavańnia na toj čas byŭ Mierc adnosna amierykanskaha biznesmiena. Paźniej, u 2021 hodzie, jon napisaŭ u siabie ŭ tvitary: «Tramp, padobna, nie demakrat». Ciapier ža Mierc vykazvajecca bolš aściarožna i zajaŭlaje, što na pasadzie kanclera budzie imknucca zaklučać uzajemavyhadnyja ździełki z novaabranym prezidentam ZŠA.

Što tyčycca Kitaja, to Mierc zajmaje bolš žorstkuju pazicyju ŭ adnosinach da hetaj krainy, čym Šolc i Mierkiel. Jon adkryta krytykuje Piekin za ŭnutranyja represii i ahresiŭnuju źniešniuju palityku. Na jaho dumku, Kitaj ujaŭlaje surjoznuju pahrozu biaśpiecy Hiermanii i Jeŭropy ŭ cełym. Akramia taho, jon zaklikaje niamieckija kampanii źmienšyć zaležnaść ad druhoj pa vieličyni ekanomiki śvietu, kab skaracić patencyjnyja ryzyki dla nacyjanalnaj i ekanamičnaj stabilnaści.

Pavialičyć

Što tyčycca Ukrainy, to, jak piša Deutsche Welle, Mierc byŭ adnym ź pieršych, chto nakiravaŭsia ź vizitam u Kijeŭ, i z tych časoŭ vystupaje za maksimalnuju padtrymku Ukrainy. U pryvatnaści palityk zaklikaŭ Hiermaniju pastavić Kijevu rakiety Taurus i źniščalniki.

Nakolki apraŭdajucca prahnozy analitykaŭ, my daviedajemsia ŭ lutym nastupnaha hoda, kali ŭ Hiermanii projduć daterminovyja vybary ŭ Bundestah.

• 28
• 1
• 0
• 0
• 1
• 0
• 0
• 1