Łukašenka spadziajecca, što i Janukovič budzie ciahnuć Biełaruś na Zachad
Pra heta jon skazaŭ na vielmi ciopłaj sustraj sustrečy ź Viktaram Juščankam, «biełaruskim advakatam».
Pra heta jon skazaŭ na vielmi ciopłaj sustrečy ź Viktaram Juščankam.
«Hałoŭnaja meta majho pryjezdu padziakavać tabie za ŭsio toje, što ty zrabiŭ dla Biełarusi jak prezident, heta było ščyra. Ciabie navat nazyvali biełaruskim advakatam», — skazaŭ A. Łukašenka, źviartajučysia da
Heta pieradajuć z Kijeva infarmacyjnyja ahienctvy.
Łukašenka paviedamiŭ, što siońnia ŭ časie sustrečy z novym prezidentam Ukrainy Viktaram Janukovičam jon zrabiŭ akcent na hetym.
«Juščanka zrabiŭ dla Biełarusi vielmi šmat u kirunku na darozie da Zachadu. Ja b vielmi chacieŭ, kab heta było praciahnuta i pry Janukoviču», — cytujuć A. Łukašenku ahienctvy.U svaju čarhu, Juščanka padkreśliŭ dasiahnieńni Ukrainy na šlachu demakratyi. Va Ukrainie navučylisia pieradavać uładu novamu kiraŭnictvu biez majdanaŭ, skazaŭ jon. Jak viadoma, Janukovič staŭ užo čaćviortym prezidentam Ukrainy, tady jak u Biełarusi ŭładu manapolna zachoŭvaje Łukašenka.
U svaju čarhu, Łukašenka zaŭvažyŭ, što «va Ukrainie vielmi choraša, akuratna i spakojna adbyłasia źmiena ŭłady». Jon bačyć u tym vialikuju zasłuhu i Viktara Juščanki.
Alaksandr Łukašenka ŭpeŭnieny, što idei niezaležnaści i dziaržaŭnaści Ukrainy, jakija nios Viktar Juščanka, praraśli vielmi hłyboka.
Dziaržaŭnaje ahienctva BIEŁTA taksama cytuje hetyja vykazvańni Łukašenki, ale zamianiła «ty» na «vy» ŭ zvarocie Łukašenki da Juščanki.
* * *
U adnosinach Ukrainy i Biełarusi nastupaje novy etap, zajaviŭ novaabrany prezident Ukrainy Viktar Janukovič na sustrečy z Alaksandram Łukašenkam 25 lutaha ŭ Kijevie.
«My hatovy razam z vami razhledzieć usie asnoŭnyja stratehičnyja kirunki raźvićcia našych adnosinaŭ, — cytuje Janukoviča pres‑słužba prezidenta Ukrainy. — Ja hatovy pracavać razam z vami, kab ekanamičnyja dobrasusiedskija adnosiny pamiž našymi krainami dynamična raźvivalisia».
«Ja nie zabyŭ i nie zabudu radzimu svaich prodkaŭ — Viciebskuju vobłaść», — padkreśliŭ Viktar Janukovič.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary