Niekatoryja čynoŭniki ŭ ZŠA i Jeŭrasajuzie prapanavali viarnuć Kijevu jadziernuju zbroju, ad jakoj Ukraina admoviłasia paśla raspadu SSSR, paviedamlaje vydańnie The New York Times.
Šerah aficyjnych asob ZŠA i Jeŭropy aktyŭna abmiarkoŭvajuć roznyja varyjanty paślavajennaha strymlivańnia Rasii, kab harantavać biaśpieku i vyžyvańnie Ukrainy. U jakaści takoj harantyi, pavodle krynic The New York Times, u tym liku razhladajecca raźmiaščeńnie va Ukrainie peŭnych zapasaŭ jak zvyčajnaj kanviencyjanalnaj zbroi, tak i jadziernaj.
«Niekatoryja amierykanskija i jeŭrapiejskija čynoŭniki prapanavali varyjant, kab ZŠA viarnuli Ukrainie jadziernuju zbroju, jakaja była kanfiskavanaja ŭ jaje paśla raspadu Savieckaha Sajuza. Heta stała b mahutnym strymalnym faktaram, jaki b dazvoliŭ nanieści źniščalny ŭdar pa Rasii ŭ vypadku jaje paŭtornaha ŭvarvańnia.
Ale taki krok byŭ by składanym i mieŭ by surjoznyja nastupstvy», — havorycca ŭ materyjale NYT.
Nahadajem, što prezident Ukrainy Uładzimir Zialenski na niadaŭnim samicie ES u Bruseli adznačyŭ, što abmiarkoŭvaŭ z Trampam pytańnie ŭstupleńnia Ukrainy ŭ NATA i Budapiešcki miemarandum, pavodle jakoha Ukraina ŭ minułym admoviłasia ad jadziernaj zbroi ŭ abmien na harantyi ad krain-padpisantaŭ miemaranduma padtrymlivać terytaryjalnuju cełasnaść i suvierenitet niezaležnaj Ukrainy ŭ mižnarodna pryznanych miežach 1991 hoda.
«Ukraina mieła Budapiešcki miemarandum. U im udzielničali jadziernyja dziaržavy. Siarod ich, biezumoŭna, byli Złučanyja Štaty Amieryki, Kitaj, Rasija, Francyja. I kali Rasija parušyła hety dakumient, paciarpieła tolki Ukraina, inšyja jadziernyja krainy nie paciarpieli. Ukraina addała jadziernuju zbroju i siońnia vajuje. Paśla hetaha padobnym dakumientam davieru niama.
U razmovie z Donaldam Trampam ja jamu skazaŭ: jaki ž u nas vychad? Albo Ukraina budzie mieć jadziernuju zbroju, i tady heta budzie dla nas abarona, albo my pavinny dałučycca da niejkaha aljansu. Akramia NATA, my pakul nie viedajem dziejučych aljansaŭ. Krainy NATA siońnia nie vajujuć. U krainach NATA ludzi žyvyja… Tamu my vybirajem NATA, a nie jadziernuju zbroju. My vybirajem NATA. I, jak mnie zdajecca, mianie pačuŭ Donald Tramp. Jon skazaŭ: u vas spraviadlivyja arhumienty», — padkreśliŭ Zialenski.
Taksama jon dadaŭ, što Tramp padčas sustrečy daŭ vielmi pramuju infarmacyju, što jon budzie padtrymlivać Ukrainu.
Ukraincaŭ spytali: pieramovy z mahčymaj strataj terytoryj ci vajna da pieramohi? Vyniki śviežaha apytańnia
Rasija ŭpieršyniu vykarystała suprać Ukrainy balistyčnuju rakietu novaha typu. Što heta moža źmianić
Mazhavy centr Kramla niezadavoleny, što Zachad pierastaŭ vieścisia na jadzierny šantaž. Patrabuje «viartańnia strachu»
Ciapier čytajuć
Prakurorski načalnik aburyŭsia nieabhruntavanymi zatrymańniami biełarusaŭ9
Kamientary
Potomu čto eta vołċja orda druhoho jazyka nie ponimajet