Rasijskaja armija pačała šturm Vialikaj Navasiołki. Jaje zachop budzie mieć vielizarnaje značeńnie
Rasijskija vajskoŭcy pačali šturmavać pasiołak Vialikaja Navasiołka. U hetym nasielenym punkcie zakančvajecca ŭschodniaja častka dobra ŭmacavanaj paŭdniovaj zaparožskaj linii abarony USU. Jana dazvalała Ukrainie strymlivać rasijskija ataki, pry hetym nie pierakidvajučy dadatkovyja siły ź inšych kirunkaŭ, piša «Ahientstvo».
Aktyvizacyju šturmavych dziejańniaŭ rasijskich vajskoŭcaŭ na ŭschodnich i paŭnočna-ŭschodnich podstupach da pasiołka DeepState zaŭvažyŭ u čaćvier. Pavodle źviestak prajekta, u apieracyi zadziejničany śpiecnaz HRU. Metaj ataki DeepState nazvaŭ abychod pasiołka z poŭnačy.
U noč na 23 listapada DeepState acaniŭ situacyju ŭ rajonie Vialikaj Navasiołki jak «vielmi ciažkuju». Prajekt paviedamiŭ ab vysadcy desantu za try kiłamietry na ŭschod ad pasiołka. Rasijskija vajskoŭcy zmahli chutka pryciahnuć reziervy, tamu što «abarona akazałasia nie vielmi nadziejnaj», udakładniŭ DeepState.
U subotu, 23 listapada, stała viadoma, što rasijskija vajskoŭcy «aktyŭna ŭzialisia» niepasredna za samu Vialikuju Navasiołku. Pavodle źviestak DeepState, šturm idzie niaprosta: rasijskaje vojska «ciarpić pastajannyja niaŭdačy».
Vialikaja Navasiołka — aporny punkt paŭdniovaj zaparožskaj linii abarony USU, jakaja prachodzić ad Dniapra ŭ bok Daniecka, napisaŭ OSINT-analityk Endru Pierpietua (Andrew Perpetua). Tryvałaść hetych abarončych zbudavańniaŭ i składanaść ataki na hetym učastku dazvolili Ukrainie paźbiahać pierakidańnia sił ź inšych rajonaŭ, havorycca ŭ paviedamleńni Pierpietua.
«Z hetym skončana. Zaraz treba pačać achviaravać inšymi rajonami, kab abaraniacca tut. Ni pry jakich abstavinach nielha dapuścić, kab Rasija prasoŭvałasia tut», — piša ekspert.
Pavodle jaho acenki, ukrainskija padraździaleńni na hetym učastku mocna sastupajuć rasijskim vajskoŭcam u kolkaści.
Vialikaja Navasiołka maje značeńnie jak łahistyčny centr USU, pisaŭ rasijski vajenny kanał «Vojennyj ośviedomitiel». Taksama jon adznačaŭ, što ŭ rajonie pasiołka letam 2023 hoda pačynałasia kontrnastupleńnie USU, padčas jakoha Ukraina zmahła adbić niekalki nasielenych punktaŭ, častka ź jakich užo znoŭ pierajšli pad kantrol Rasii.
Rasijskaja armija nabrała vysoki temp prasoŭvańnia va Ukrainie ŭ vieraśni, zbolšaha dziakujučy tamu, što USU pierakinuli častku svaich vojskaŭ z uschodu krainy ŭ Kurskuju vobłaść. U kastryčniku Rasija zachapiła rekordnuju płošču ź leta 2022 hoda. U listapadzie rasijskaja armija praciahnuła pavialičvać tempy prasoŭvańnia va Ukrainie.
Kamientary
Heta nie zusim praŭda.
Usu pakrysie stvaryli davoli značnyja reziervy ŭ raźliku na nastup u nastupnym hodzie.
Heta vysmaktała asabisty skład z vojska.
Z prychodam Trampa hetyja płany byli pachavanyja, i tyja bryhady pakrychu viartajuć na front.
Ale bolšaść ich na ciapierašni momant niedarazhornutyja i niedakamplektavanyja.
Častka znachodzicca za miažoj.
Tamu...
Chacia jość i inšaja čutka.
Što danieckuju vobłaść prosta zdajuć pa niejkaj damovie.