Vyjšła na volu mazyranka Hanna Pyšnik, asudžanaja za videa rasijskich viertalotaŭ
Jana całkam adbyła svoj termin, pravioŭšy za kratami bolš za dva z pałovaj hady, paviedamlaje Homielskaja viasna.
Hannu Pyšnik (Čympaješ) zatrymali 22 sakavika 2022 hoda nibyta za pieradaču videa ź pierasoŭvańniem vajskovaj techniki (viertaloty) u adzin z telehram-kanałaŭ, nahadvaje sutnaść spravy «Viasna».
Pa materyjałach abvinavačańnia, 25 lutaha 2022 hoda, znachodziačysia ŭ Kalinkavičach, Hanna źniała na ajfon videa śledu ad palotu vajennaha abjekta i adpraviła ŭ «ekstremiscki» telehram-kanał. Taksama pakinuła dva kamientary, u jakich paviedamlała, što nibyta byli vypuščanyja dźvie rakiety, a vajskovaja technika, jakaja jedzie z Mazyra, raniej stajała ŭ adnym z nasielenych punktaŭ rajona, dzie znachodziacca jašče 60 viertalotaŭ.
Druhi rolik viertalota, jaki pralataje ŭžo nad jaje domam u Mazyry, zrabiła praz dva dni. Im taksama vyrašyła padzialicca. Pakinuła kamientar ab tym, što niekalki viertalotaŭ ablatajuć miascovaść.
U telefonie Pyšnik byli znojdzienyja 17 videa, jakija pakazvali pieramiaščeńnie rasijskaj vajskovaj techniki.
Tady sud pryznačyŭ joj pakarańnie try hady kałonii. U žančyny — niepaŭnahadovaja dačka.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary