Выйшла на волю мазыранка Ганна Пышнік, асуджаная за відэа расійскіх верталётаў
Яна цалкам адбыла свой тэрмін, правёўшы за кратамі больш за два з паловай гады, паведамляе Гомельская вясна.
Ганну Пышнік (Чымпаеш) затрымалі 22 сакавіка 2022 года нібыта за перадачу відэа з перасоўваннем вайсковай тэхнікі (верталёты) у адзін з тэлеграм-каналаў, нагадвае сутнасць справы «Вясна».
Па матэрыялах абвінавачання, 25 лютага 2022 года, знаходзячыся ў Калінкавічах, Ганна зняла на айфон відэа следу ад палёту ваеннага аб'екта і адправіла ў «экстрэмісцкі» тэлеграм-канал. Таксама пакінула два каментары, у якіх паведамляла, што нібыта былі выпушчаныя дзве ракеты, а вайсковая тэхніка, якая едзе з Мазыра, раней стаяла ў адным з населеных пунктаў раёна, дзе знаходзяцца яшчэ 60 верталётаў.
Другі ролік верталёта, які пралятае ўжо над яе домам у Мазыры, зрабіла праз два дні. Ім таксама вырашыла падзяліцца. Пакінула каментар аб тым, што некалькі верталётаў аблятаюць мясцовасць.
У тэлефоне Пышнік былі знойдзеныя 17 відэа, якія паказвалі перамяшчэнне расійскай вайсковай тэхнікі.
Тады суд прызначыў ёй пакаранне тры гады калоніі. У жанчыны — непаўнагадовая дачка.
-
Беларуска выйшла замуж за лонданскага мільянера, старэйшага на 41 год. Ён пакінуў ёй $400 тысяч з умовай маўчаць — а яна адсудзіла мільёны
-
Дэлегатка КР Мамаева: Адно з абвінавачванняў, што я перасылала скрыншоты ўнутранай перапіскі спісу іншым асобам
-
Дэлегатцы КР Аляксандры Мамаевай вынеслі вотум недаверу ў яе ж фракцыі
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер16
Каментары