Vajna88

Zialenski: Ukraina moža ŭstupić u NATA bieź dziejańnia artykuła 5 na ŭsioj terytoryi

Pry hetym Zialenski padkreśliŭ, što «nie moža być zaprašeńnia ŭ NATA častki terytoryi Ukrainy».

Uładzimir Zialenski. Fota: AP Photo/Evgeniy Maloletka

Ukrainskaja ŭłada zhadžajecca, što ŭ vypadku ŭstupleńnia Ukrainy ŭ NATA padčas vajny artykuł 5 Paŭnočnaatłantyčnaha dahavora moža raspaŭsiudžvacca nie na ŭsiu jaje terytoryju.

Pra heta prezident Uładzimir Zialenski skazaŭ na pres-kanfierencyi 1 śniežnia sa staršynioj Jeŭrapiejskaj rady Antoniu Koštaj u Kijevie, paviedamlaje «Jeŭrapiejskaja praŭda».

Zialenski padkreśliŭ, što Ukraina nikoli jurydyčna nie pryznaje luboj akupacyi Rasijaj svaich ziamiel.

«Nie moža być zaprašeńnia ŭ NATA častki terytoryi Ukrainy. Heta aŭtamatyčnaje pryznańnie, što ŭsie astatnija terytoryi nie tolki ŭ niebiaśpiecy, ale i što inšyja terytoryi — nie ŭkrainskija. Tamu Ukraina nikoli nie pojdzie na heta. Kali heta zaprašeńnie, to tolki całkam usich terytoryj», — padkreśliŭ jon.

«Ale my razumiejem, što 5-ja papraŭka [artykuł 5 Paŭnočnaatłantyčnaj damovy], kali ty čalec NATO, nie moža dziejničać padčas vajny na ŭsioj terytoryi Ukrainy, tamu što krainy suprać ryzyk pryciahnieńnia ich u vajnu», — dadaŭ Zialenski.

Artykuł 5 praduhledžvaje, što napad na adnaho ŭdzielnika NATO rasceńvajecca jak napad na NATO ahułam i vyklikaje adkaz z boku ŭsich čalcoŭ aljansu.

Zialenski spadziajecca, što Bajden nablizić zaprašeńnie Ukrainy ŭ NATO.

Zialenski adznačyŭ, što aficyjny Kijeŭ nie atrymlivaŭ ad partnioraŭ jakich-niebudź prapanoŭ ab farmacie siabroŭstva ŭ Aljansie.

Na hetym tydni Zialenski ŭpieršyniu vykazaŭ hatoŭnaść pahadzicca na zamarozku vajny z Rasijaj, kali NATO zaprosić Ukrainu ŭ Aljans i daść harantyi biaśpieki dla padkantrolnaj Kijevu terytoryi.

Ukrainskaja ŭłada raniej pryznavała, što Aljans nie nakiruje Kijevu zaprašeńnie ab ustupleńni da zaviaršeńnia vajny, i kazała, što takoje ŭstupleńnie adbudziecca mienavita ŭ miežach mižnarodna pryznanych miežaŭ.

Kamientary8

  • Piś-piś
    01.12.2024
    "nie moža być zaprašeńnia ŭ NATA častki terytoryi Ukrainy" - i nie schłusiŭ ža! Scyklivyja zachodnija palitykany nie zaprosiać ni častku, ni tym bolš usiu Ŭkrainu. Kali b chacieli vyratavać ukraincaŭ, to vojski NATA jašče ŭ 2022-m mahli b być uviedzieny ŭ krainu. I vajna b skončyłasia vielmi chutka.
  • Da da 11
    02.12.2024
    Nikuda Ukraina nie vstupit jeśli polaki postroili na hranicie s Ukrainoj oboronitielnyje sooružienija.
  • Popkorn
    02.12.2024
    Vo śmiechu budzie, kali Ŭkraina pachavaje NATO. NATO zasnavanaje jak aljans suprać kamunistyčnaj akupacyi i tolki. Isnavańnie hetaha ŭtvareńnia da našaha času było tolki dańniu tradycyi. Ciapier, jak zapachnie smažanym, kali akažacca, što treba budzie zaprahacca za niejkuju tam Ukrainu, ci Litvu, to hramadzianie ŭmoŭnaj Bielhii hetaha nie zrazumiejuć.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp zajaviŭ, što jon «vielmi raźjušany» pavodzinami Pucina17

Tramp zajaviŭ, što jon «vielmi raźjušany» pavodzinami Pucina

Usie naviny →
Usie naviny

Navukoŭcy znajšli sposab, jak źniščać «viečnyja chimikaty» ŭ vas doma1

Siońnia ŭviečary prapanujuć časova vyklučyć elektryčnaść2

U Hankonhu pradali pracu Šahała za 4,5 miljona dalaraŭ

«70% mała, davajcie 90%». Jak Špileŭskaja patrabavała ad Koršunava źmianić vyniki sacapytańnia14

Biełaruskija błohiery źniali pad Miadziełam vializnuju čaradu dzikich husiej VIDEA4

Sacyjapatami (jak i prezidentami) nie naradžajucca, sacyjapatami stanoviacca11

Muž Bondaravaj raskazaŭ, za što jaje pasadzili na 13 sutak21

Davydźka pajechaŭ u Rasiju pabiracca pa starych siabrach i pierastaŭ płacić za mabilny — jaho padchapiŭ kryptabiznesmien10

Kaardynacyjnaja rada sprabuje daviedacca, ci byli na rachunak fondu Anžaliki Mielnikavaj pieraviedzienyja hrošy dla dziejnaści KR13

bolš čytanych navin
bolš łajkanych navin

Tramp zajaviŭ, što jon «vielmi raźjušany» pavodzinami Pucina17

Tramp zajaviŭ, što jon «vielmi raźjušany» pavodzinami Pucina

Hałoŭnaje
Usie naviny →

Zaŭvaha:

 

 

 

 

Zakryć Paviedamić