Parłamient Paŭdniovaj Karei nie zmoh nabrać nieabchodnaj dla impičmientu prezidentu kolkaści hałasoŭ
Siońnia parłamient krainy pavinien byŭ vyrašyć, ci zachavaje prezident Jun Sok Jol svaju pasadu. Impičmient moh nie adbycca: prezidenckaja partyja «Siła naroda» pakinuła pasiadžeńnie.
107 členaŭ «Siły narody» z 108 pakinuli zału pasiadžeńniaŭ, bajkatujučy hałasavańnie. Takim čynam partyja sprabuje praduchilić pierachod svaich členaŭ na inšy bok: hałasavańnie pa pytańni impičmientu pravodzicca tajemna, i kali niekalki čałaviek z partyi prahałasujuć «za», jon adbudziecca, piša Bi-bi-si.
Dla hetaha treba 200 hałasoŭ z 300, a ŭ apazicyi pakul 192 hałasy. Akramia taho, pra namier hałasavać za impičmient zajaviŭ adzin z deputataŭ prezidenckaj partyi, An Čchol Su. Paźniej u zału pasiadžeńniaŭ viarnulisia jak minimum troje z deputataŭ, što pakinuli jaho, praŭda, adzin ź ich užo zajaviŭ, što hałasavać budzie suprać.
Jašče adzin deputat ad kiroŭnaj partyi, jaki raniej vykazvaŭsia za impičmient, pieradumaŭ.
Vakoł parłamienta sabraŭsia šmattysiačny natoŭp pratestoŭcaŭ. Jany patrabujuć aryštu i impičmientu prezidenta, jaki ŭ aŭtorak abviaściŭ pra vajennaje stanovišča.
Deputataŭ, jakija pakidali pasiadžeńni, jany pravodzili aburanymi krykami, jakija viarnulisia — radasna vitali.
Adnak u vyniku parłamient nie zmoh nabrać nieabchodnaj dla impičmientu kolkaści hałasoŭ.
Śpikier abjaŭlaje ab pačatku padliku hałasoŭ. Kali parłamienckija čynoŭniki prystupajuć da padliku hałasoŭ, natoŭp pierad parłamientam zmoŭk, nazirajučy za pramoj tranślacyjaj na ekranie. Zatym śpikier abjaviŭ, što «hałasavańnie nie moža adbycca», pakolki nie było kvorumu, paviedamlaje Bi-bi-si.
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni5
Kamientary