Chto takaja Alisa Vajdel — kandydatka na pasadu kanclera Hiermanii ad ultrapravaj «Alternatyvy»
Vystupaje suprać adnapołych šlubaŭ i mihrantaŭ, ale sama žyvie z žančynaj šry-łankijskaha pachodžańnia.
Partyja «Alternatyva dla Hiermanii» (AdH) upieršyniu ŭ svajoj 11-hadovaj historyi vyłučyła kandydata na pasadu fiederalnaha kanclera. Im stała 45-hadovaja sustaršynia partyi Alisa Vajdel, paviedamlaje Euronews.
Prymajučy naminacyju, Vajdel adznačyła: «Naša kraina ŭžo nie taja, što była raniej. My chočam znoŭ vyvieści Hiermaniju napierad i viarnuć joj pieršaje miesca ŭ śviecie. My — druhaja pa sile partyja ŭ krainie i atrymlivajem prava na ŭrad».
Pavodle apošnich apytańniaŭ, AdH padtrymlivajuć kala 18% vybarščykaŭ, što istotna mienš, čym u kansiervatyŭnaha błoka CHDS/CHSS, jaki lidziruje z 32%. Sacyjał-demakratyčnaja partyja Hiermanii (SDPH), jakaja pradstaŭlaje ciapierašniaha kanclera Ołafa Šolca, zajmaje treciaje miesca.
Alisa Vajdel u svaich pramovach adznačała, što natchniajecca byłoj brytanskaj premjerkaj Marharet Tetčer i što Hiermanija pavinna spynić usie pastaŭki zbroi Ukrainie, kab spynić vajnu.
«My — partyja miru. Kali vy nie žadajecie vajny ŭ Hiermanii, hałasujcie za AdH», — zaklikała Vajdel.
Napiaredadni vybaraŭ u Bundestah, jakija majuć adbycca ŭ lutym 2025 hoda, Vajdel pradstaviła niekalki asnoŭnych punktaŭ svajoj prahramy:
- Prasoŭvańnie vychadu Hiermanii ź Jeŭrapiejskaha sajuza.
- Žorstkaja antymihracyjnaja i antyisłamskaja palityka.
- Padtrymka kansiervatyŭnych i chryścijanskich kaštoŭnaściaŭ, niedapuščalnaść adnapołych šlubaŭ.
Niahledziačy na toje, što Vajdel vystupaje suprać adnapołych šlubaŭ, jana sama žyvie ŭ Šviejcaryi ŭ adnapołym partniorstvie z Saraj Bosard, kiniematahrafistkaj sa Šry-Łanki. U ich jość dvoje synoŭ, pieradaje partał The Insider sa spasyłkaj na niamieckija miedyja.
Akramia taho, u palityčnaj prahramie Vajdel fihurujuć punkty ab źnižeńni padatkaŭ i cen na elektraenierhiju, adnaŭleńni vytvorčaści enierhii na AES i vuhalnych elektrastancyjach, a taksama ab zakupkach trubapravodnaha hazu z Rasii.
Sustaršynia AdH taksama vykazvałasia za ŭzmacnieńnie palityki ŭ dačynieńni da nielehalnych mihrantaŭ, umacavańnie miežaŭ krainy i nieadkładnuju vysyłku nielehałaŭ, zamiežnych złačyncaŭ, hvałtaŭnikoŭ i zabojcaŭ. Vajdel u tym liku prapanavała prypynić vydatkavańnie srodkaŭ na sacyjalnuju dapamohu zamiežnikam.
Ultrapravaja prychilnica teoryj zmovaŭ stanie rehulavać urad ZŠA
«Reputacyjnaja škoda vielizarnaja». Ad cybulnaha płantatara Jorha Dornau dystancyrujecca navat «Alternatyva dla Hiermanii»
Upieršyniu z II suśvietnaj u Jeŭropie pieramahła partyja, zasnavanaja nacystami. Što dla Biełarusi aznačajuć źmieny ŭ Aŭstryi?
Ciapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary