Mužčyny z samym vysokim IQ bolš manahamnyja i, adpaviedna, mienš schilnyja da zdradaŭ.
Vyśviatlajecca, što razumnyja mužčyny redka zdradžvajuć žonkam. Navukoŭcy z Łondanskaj škoły ekanomiki i palityčnych navuk vyśvietlili, što mužčyny z samym vysokim IQ bolš manahamnyja i, adpaviedna, mienš schilnyja da zdradaŭ.
To bok, razumniejšyja, nasamreč, dumajuć čaściej pra inšaje. Pavodle słovaŭ daśledčykaŭ, takija mužčyny nadajuć bolš značeńnia sieksualnaj vyklučnaści partniorki. Pryčyny taho, što razumnyja mužčyny zachoŭvajuć viernaść svaim spadarožnicam, chavajucca ŭ evalucyjnym raźvićci.
Pry hetym, jak adznačajuć navukoŭcy, suviazi pamiž uzroŭniem intelektu u žančyn i viernaściu vyjavić nie ŭdałosia. Na žal.
Darečy, niekatoryja psichaterapieŭty ličać, što akurat zdrada moža akazacca karysnaj dla siamiejnaha žyćcia. Dla niekatorych sužencaŭ zalacańni na baku mohuć stać «defibrylataram, što zavodzić spynienaje serca ichnaj siamji». Na dumku miedykaŭ, stanoŭčy momant zdrady palahaje na tym, što heta sposab uskałychnuć ludziej, vyvieści ź inercyi, pakazać, što treba niešta mianiać u žyćci, jakaja ciabie nie zadavalniaje.
A pavodle statystyki, u Jeŭropie da 40% par nie ličać zdradu nahodaj dla razryvu. Pry tym mužčyny darujuć zdradu šmat radziej, čym žančyny.
Ciapier čytajuć
«Razahnać darmajedaŭ! Addać ludziam ziamlu!» Traktaryst z Chojnikaŭ, jaki ciapier žyvie ŭ Łatvii, paraŭnaŭ sielskuju haspadarku tam i ŭ nas13
Kamientary