Pra asnoŭnyja pryčyny mužčynskaj biaspłodnaści viadoma mała, choć raspaŭsiudžana jano hetak ža, jak biaspłodnaść u žančyn.
Ciapier navukoŭcy zasiarodzilisia na hienietyčnych defiektach, kab znajści pryčyny biaspłodździa. Hetyja daśledavańni nie abaviazkova skiravanyja na pošuk sposabaŭ lekavańnia. Navukoŭcy zaniepakojenyja tym, što mužčynskaja biaspłodnaść, vyklikanaja hienietykaj, moža być prykmietaj bolšaj niebiaśpieki dla zdaroŭja nie tolki samoha mužčyny, ale i jaho naščadkaŭ.
Kali hien upłyvaje na niešta bolšaje, čym biaspłodnaść, heta moža vyklikać i inšyja chvaroby, jakija pieradajucca ŭ spadčynu, ličyć Dałores Łemb, prafiesar Miedycynskaha kaledža ŭ Chjustanie, jakaja pravodzić daśledavańni hienietyčnaj suviazi pamiž mužčynskaj biaspłodnaściu i inšymi chvarobami.
Daśledavańni, praviedzienyja doktaram Łemb i jaje kalehami, śviedčać pra toje, što hien, źviazany z mužčynskaj biaspłodnaściu, taksama źviazany z rakam toŭstaj kiški i jaječak.
Najbolš častaja pryčyna biaspłodnaści mužčyn – kala 42% vypadkaŭ – varykoz mašonki, abo varykacele, vylečnaja chvaroba, jakaja moža pryvieści da źnižeńnia vypracoŭki śpiermy.
Inšaj raspaŭsiudžanaj pryčynaj biaspłoždnaści źjaŭlajecca nieprachodnaść u mužčynskich pałavych orhanach, vyklikanaja, siarod inšaha, pryrodžanaj chvarobaj abo infiekcyjaj.
Harmanalnyja prablemy, jakija niekalki hadoŭ tamu daśledčyki ličyli adnoj z asnoŭnych pryčyn biaspłodnaści, dyjahnastujuć tolki ŭ 1% vypadkaŭ.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1515
Kamientary