10 hadoŭ turmy za zabojstva svajho novanarodžanaha dziciaci
Minskim abłasnym sudom da 10 hadoŭ pazbaŭleńnia voli pryhavorana 43‑hadovaja žycharka Uzdy, abvinavačanaja ŭ naŭmysnym zabojstvie novanarodžanaha dziciaci.
Pryhavor byŭ abvieščany 26 lutaha i jašče nie nabyŭ zakonnuju moc.
Jak paviedamiła staršy pamočnik prakurora vobłaści Taćciana Kalinina, maci piaciarych dziaciej abvinavačvajecca ŭ tym,
što ŭ kancy listapada 2009 hoda zabiła šostaje dzicia. Novanarodžanaha jana pakłała ŭ polietylenavy pakiet i kinuła ŭ vyhrabnuju jamu.
Pa zaklučeńni kamisijnaj kompleksnaj ambułatornaj sudova‑psichijatryčnaj ekśpiertyzy žančyna va ŭmovach psichatraŭmujučaj situacyi, vyklikanaj rodami, nie znachodziłasia. Tamu jaje dziejańni kvalifikavanyja pa p. 2 č. 2 art. 139 KK (naŭmysnaje zabojstva zaviedama małaletniaha, jaki znachodzicca ŭ biezdapamožnym stanie).
Abvinavačvanaja raniej užo była asudžanaja za zamach na zabojstva čaćviortaha dziciaci ŭ siamji,
ale abyšłasia ŭmoŭnym asudžeńniem da troch hadoŭ pazbaŭleńnia voli.
Trup novanarodžanaj dziaŭčynki byŭ znojdzieny ŭ vyhrabnoj jamie na ŭčastku doma 43‑hadovaj žycharki rajcentra 30 listapada.
Kamientary