La pomnika Janku Kupału ŭ Miensku 1 vieraśnia ładzicca litaraturna-muzyčnaja impreza «Chočam vučycca pa-biełarusku».
Na adras elektronnaj pošty hazety pryjšoŭ ad list ad arhkamitetu niezarehistravanaj inicyjatyvy «Za svabodnuju adukacyju». Asoby, što padpisali list, vykazvajuć spraviadlivuju zakłapočanaść siońniašnim stanam atrymańnia adukacyi na biełaruskaj movie.
«Biełaruś – adzinaja kraina ŭ śviecie, dzie nie razmaŭlajuć na rodnaj movie, – pišuć aŭtary lista. – Pryčyny hetaha [chavajucca]– u systemie adukacyi. Začyniajucca biełaruskija škołki, skaračajucca biełaruskamoŭnyja hrupy va ŭniversytetach, nie zastałosia dziciačych sadkoŭ i jaślaŭ. (…) U Miensku na dva miljony čałaviek tolki 4 škoły ź biełaruskaj movaj navučańnia, i baćki vymušanyja ŭsio leta źbirać zajavy j podpisy, kab dziaržava vykanała ich kanstytucyjnaje prava».
«Napiaredadni 1 vieraśnia Ministerstva adukacyja zrabiła čarhovy siurpryz: historyja Biełarusi ŭ starejšych klasach budzie vykładacca pa-rasiejsku. Niedaloka da taho, što biełaruskaja mova stanie vykładacca jak zamiežnaja», -- zaznačajuć siabry arhkamitetu.
«1 vieraśnia pačniecca novy navučalny hod. I kali my chočam, kab našyja dzieci hadavalisia sapraŭnymi hramadzianami, sapraŭdnymi biełarusami, my musim pra heta parupicca: patrabavać adkryćcia biełaruskamoŭnych jaślaŭ, klasaŭ, hrupaŭ i škołak, patrabavać vykładańnia historyi našaj krainy pa-biełarusku, vykazać svaju zakłapočanaść stanam adukacyi ŭvohule, i palityčnymi represijami va ŭniversytetach u pryvatnaści. Ad nas zaležyć, u jakoj Biełarusi buduć žyć našyja dzieci», - .
Siabry arhkamitetu adznačajuć, što 1 vieraśnia a 17:00, la pomniku Janku Kupału (nasuprać cyrku) projdzie litaraturna muzyčnaja impreza «Chočam vučycca pa-biełarusku».
Kamientary