Pratasievič: Abmiarkoŭvali z Babarykam Trampa i biełaruskuju apazicyju
Učora prapahandysty ŭpieršyniu za doŭhi čas pakazali Viktara Babaryku — pra byłoha bankira nie było ničoha viadoma amal dva hady. Raman Pratasievič, jakoha puścili da palitviaźnia, siońnia apublikavaŭ novy karotki post pra sustreču.
Pratasievič raskazvaje, što ŭčora da jaho pastupiła šmat pytańniaŭ z nahody sustrečy.
Ale padrabiaznaści sustrečy Pratasievič raskryvać admaŭlajecca — «u tym liku pa prośbie samoha Viktara Dźmitryjeviča», — śćviardžaje Pratasievič.
Pavodle jaho słoŭ, jany razmaŭlali z Babarykam «na roznyja temy».
«Abmiarkoŭvali našy i suśvietnyja naviny. Razmaŭlali, naprykład, pra hieapalityku i pra prychod Trampa nazad da ŭłady ŭ ZŠA. Na jaho dumku, usio moža istotna pamianiacca. Zakranuli i temu apazicyi. Ja acharaktaryzavaŭ biahučuju situacyju, na što jon adkazaŭ mnie kazkaj Puškina pra rybku i rybaka. A jašče my šmat žartavali», — piša Pratasievič.
Z nahody napisańnia prašeńnia ab pamiłavańni Pratasievič što-niebudź kamientavać admoviŭsia. «Heta sprava asabista Viktara Dźmitryjeviča i jaho blizkich», — napisaŭ Pratasievič.
Viktar Babaryka, jaki ŭ mai 2020 hoda zajaviŭ pra namier bałatavacca, znachodzicca za kratami z 18 červienia 2020 hoda, kali byŭ aryštavany razam z synam Eduardam.
Praz hod, u lipieni 2021 hoda, jon byŭ asudžany na 14 hadoŭ.
Kamanda źvierchu zrabić režym utrymańnia maksimalna strohim pryjšła adnosna Babaryki prykładna ŭ lutym 2023 hoda. Da jaho pierastali puskać advakata.
25 krasavika 2023 hoda Viktara Babaryku z kałonii pavieźli ŭ špital. Pavodle infarmacyi, pieradadzienaj žurnalistam pracaŭnikami balnicy, 27 krasavika palityk byŭ u chirurhičnym adździaleńni ŭ stanie siaredniaj ciažkaści. Paźniej pravaabaroncam stała viadoma, što Babaryku pieraviali ŭ turemny špital pry SIZA № 1 u Minsku. Paźniej Viktara Babaryku viarnuli ŭ kałoniju.
Pavodle śviedčańnia byłoha palitviaźnia, viasnu i leta 2023 hoda Babaryka pravioŭ u kałonii ŭ PKT, u poŭnaj izalacyi ad inšych viaźniaŭ. Śled Viktara Babaryki całkam zhubiŭsia ŭ listapadzie 2023-ha, kali jaho bačyli ŭ kalidory PKT.
Pratasievič jeździŭ da Babaryki ŭ kałoniju niekalki razoŭ
Ekstremist, schilny da ahresii i zachopu zakładnikaŭ. Što aznačajuć ličby na žoŭtaj bircy Viktara Babaryki
Łukašenkaŭcy ŭpieršyniu za doŭhi čas pakazali Viktara Babaryku
Były palitviazień pra Babaryku: Hadzińniki ŭsim dazvalajuć, a voś takaja roba — pakazucha
Cichanoŭskaja: Pabačyć tych, chto znachodziŭsia ŭ inkamunikada — vielizarnaja palohka
Akaŭnt Kabančuka ŭzłamali — ale ci biełaruskija śpiecsłužby?3
Kamientary
Vidavočna, "rybak" - biełaruski narod, a chto ŭ nas "uładyčyca marskaja" - uźnikaje pytańnie...