Paśla 2020-ha ad Jarmošynaj admoviŭsia navat sadoŭnik, jaki stryh jaje kusty ŭ Drazdach
U svaim katedžy ŭ Drazdach staršynia CVK zastałasia zusim adna.
Zhadvajučy ŭ efiry STB padziei 2020-ha hoda, byłaja kiraŭnica Centrvybarkama Lidzija Jarmošyna pryznałasia, što ŭ jaje atačeńni byŭ tolki adzin čałaviek, jaki jaje pakinuŭ:
«Ad mianie admoviŭsia sadoŭnik, jaki prychodziŭ i kasiŭ moj učastak, sadžaŭ raśliny i padstryhaŭ kusty. A tak usie maje znajomyja, maje siabry [zastalisia].
Nasamreč Jarmošyna vydaje žadanaje za realnaje.
U svaim katedžy ŭ Drazdach staršynia CVK zastałasia zusim adna.
Siabry? U raniejšych intervju jana pryznavałasia, što jaje siabroŭki žyvuć u Kalininhradzie — dzie Jarmošyna vučyłasia va ŭniviersitecie i pracavała.
Jarmošyna raskazvała, što siabravała z sakratarom CVK Mikałajem Łazavikom, chadziła ŭ teatr razam ź im i jaho žonkaj. Kali ŭ 2016-m Łazavik pamior, chadzić užo niama z kim.
U 2017-m pamior jaje adziny syn Alaksiej, samy blizki joj čałaviek i spadarožnik u vandroŭkach.
Watch on TikTok
U tym ža 2017-m zahinuŭ u aŭtakatastrofie jaje plamieńnik Vadzim Kapuścin.
Maci Lidzii Jarmošynaj pamierła ŭ siaredzinie 2010-ch, pražyŭšy bolš za 95 hadoŭ.
Pierad tym pamior druhi muž Jarmošynaj. Pieršy muž zastaŭsia ŭ Kalininhradzie, pa stanie na siaredzinu 2010-ch jon byŭ paralizavany. Ciapierašni jaho los nieviadomy.
Z radni ŭ byłoj kiraŭnicy CVK zastałasia siastra, ale adnosiny ŭ ich chałodnyja.
«Jak i va ŭsich — čakać sychodu z žyćcia. Padarožničać z kožnym hodam stanovicca ŭsio ciažej. I ŭsie maje padarožžy, chutčej za ŭsio, buduć u dva miescy: Babrujsk i Kalininhrad», — tak u 2020 hodzie adkazała Lidzija Jarmošyna na pytańnie pra toje, što jana budzie rabić paśla adstaŭki z pasady.
Ciapier čytajuć
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava2
Kamientary
Nivodzin ź ich nie admoviŭsia ad usiaho hetaha. Značyć, buduć adkazvać za svoj vybar.
A čamu z žonkaj Łazavika nie stała ŭ teatr chadzić?