143 pasažyry «Biełavii» nie mohuć vylecieć z Sankt-Pieciarburha ŭ Minsk praź niepahadź
Mocny śniehapad u aeraporcie «Pułkava» paŭpłyvaŭ i na rejsy biełaruskaj avijakampanii.
Pra składanaści paviedamili ŭ aficyjnym telehram-kanale «Biełavii».
Ranišni rejs ź Minska B2 941, jaki vylecieŭ u 8:17, byŭ vymušany viarnucca ŭ bazavy aeraport «Minsk» z-za niemahčymaści pasadki ŭ Pułkavie.
Paźniej pasažyry hetaha rejsa zmahli palacieć u Sankt-Pieciarburh na inšym samalocie: Boeing 737-800 pryziamliŭsia ŭ Pułkavie ŭ 16:17.
U bolš składanym stanoviščy apynulisia pasažyry rejsa B2 942 Sankt-Pieciarburh — Minsk. Vylet pavodle raskładu ŭ 10:30 byŭ niemahčymy, i rejs abjadnali ź inšym — B2 940, jaki vylecieŭ pavodle raskładu ŭ 15:15.
Aeraport «Pułkava» paviedamiŭ pra časovaje prypynieńnie pryjomu i adpraŭki samalotaŭ praz składanyja ŭmovy nadvorja. U aeraporcie viaducca raboty pa ačystcy ŭźlotna-pasadačnaj pałasy ad śniehu.
Praz heta svajoj čarhi na vylet čakajuć mnohija rejsy, u tym liku i rejs «Biełavija» B2 940. Na borcie rejsa B2 940 zaraz znachodziacca 143 čałavieki.
Pradstaŭniki avijakampanii znachodziacca ź imi na suviazi i vyrašajuć pytańnie z pahruzkaj bahažu. Pasažyram, jakija byli vymušanyja zatrymacca ŭ aeraporcie na niekalki hadzin, było pradastaŭlena haračaje charčavańnie i napoi.
Vydańnie «Fantanka» paviedamlała, što Sankt-Pieciarburh 12 studzienia abnaviŭ maksimum śniežnaha pokryva ciapierašniaj zimy. Ranicaj vyšynia pokryva dasiahnuła 29 santymietraŭ. Raniejšy maksimum byŭ zafiksavany 17 śniežnia — 20 sm.
Ciapier čytajuć
Na Mazyrskim naftapierapracoŭčym zavodzie prajšli zatrymańni siarod kiraŭnictva1
Kamientary