MNS Rasii apublikavała imiony biełaruskich turystaŭ, jakich nakryła śniežnaj łavinaj u Murmanskaj vobłaści 8 sakavika. U Łavazierskim rajonie, na pieravale Tavajok śniehavaja łavina nakryła hrupu biełaruskich turystaŭ z šaści čałaviek. Dva chłopcy ŭratavalisia, dźvie dziaŭčyny i jašče dva chłopcy źnikli.
Imiony ty, chto ŭratavaŭsia: Juraha Alaksandr Uładzimiravič, 1981 h.n.; Famin Dźmitry Jurjevič, 1989 h.n.
Źnikli biaz źviestak: Karpaŭ Michaił Michajłavič, 1981 h.n.; Tracinskaja Darja Michajłaŭna, 1983 h.n.; Traskievič Jaŭhien Uładiźmiravič, 1986 h.n.; Koŭhan Alaksandra Iharaŭna, 1987 h.n.
Heta zbornaja hrupa turystaŭ z Bresta.
Hałoŭnaje upraŭleńnie MNS Rasii pa Murmanskaj vobłaści adkryła
telefon haračaj linii (8152) 39-99-99, pa jakim svajaki i blizkija mohuć atrymać infarmacyju pra vyratavalnyja raboty.
Va upravleńni MNS dla hetaha stvorany opieratyŭny štab. Spačatku ŭ pošukach byli zadziejničanyja 22 čałavieki na šaści śniehachodach. Ciapier dałučanaja jašče adna hrupa ratavalnikaŭ i dadatkovaja technika.
Aryjentoŭna ŭ hornym masivie syšło 2,1 tysiačy kubamietraŭ śnieha: šyrynia łaviny skłała 7 mietraŭ, hłybinia — 3 mietry i daŭžynia — 100 mietraŭ.
Biełarusy, jakija ŭratavalisia, zaraz razam z vyratavalnikami ŭ rajonie pošukaŭ.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami55
Kamientary