Hramadstva44

Abmieńnik-aŭtamat pamyłkova vydaŭ biełaruscy 155 rubloŭ manietami

Žycharka Minska Viktoryja (imia źmieniena) źviarnułasia ŭ redakcyju vydańnia «Smartpres» i padzialiłasia niezvyčajnaj historyjaj.

Tak vyhladajuć 155 rubloŭ u manietach pa 1 rublu i 50 kapiejek. Fota čytački «Smartpres»

Dniami Viktoryja vyrašyła pamianiać 50 dalaraŭ u aŭtamatyčnym abmieńniku «Pryjorbanka», ale zamiest naležnych 169 rubloŭ pa kursie atrymała… 320. Pryčym amal pałovu — manietami.

Pa słovach Viktoryi, ščodry abmieńnik jana znajšła pa adrasie vuł. Bialinskaha, 23. Usio rabiła jak zvyčajna: abrała valutu, ustaviła kupiuru, pahadziłasia z sumaj abmienu i… z terminału pasypałasia šmat maniet.

Žančyna pryznajecca: była ŭpeŭnienaja, što pryłada prosta vyrašyła vydać joj naležnuju sumu manietami. Ale tut źjavilisia i kupiury — 165 rubloŭ. I heta byŭ niečakany pavarot.

«Ja spačatku razhubiłasia: što mnie z usim hetym «bahaćciem» rabić? Potym vyrašyła patelefanavać u padtrymku pa telefonie, jaki adšukała na sajcie banka. Dziaŭčyna z banka paprasiła mianie pieraličyć maniety. Ja dumała, tam rubloŭ z 30-40, a akazałasia 155! — raskazała Viktoryja. — Na majo pytańnie, ci moža chtości z banka zabrać u mianie hetyja maniety, atrymała adkaz, što mnie treba samoj padjechać u najbližejšaje adździaleńnie, dzie jość kasa dla fizičnych asob, i zdać lišnija hrošy. U maim vypadku 151 rubiel. Heta za vyličeńniem «dadatkovych» 4 rubloŭ da tych 165-ci, što mnie naležali za 50 dalaraŭ».

U banku žančynu zaprasili ŭ kasu, dvojčy pieraličyli maniety i vydali prychodna-kasavy ordar. Na hetym historyja byccam by skončyłasia. Choć, jak kaža Viktoryja, «asadačak zastaŭsia».

«Pradstaŭniki banka navat «dziakuj» nie skazali i nie paprasili prabačeńnia za dastaŭlenyja niazručnaści, choć uvohule to heta byŭ kasiak ichniaha abstalavańnia. Ja ž mahła zabrać svaje 4 rubli, a astatniaje pakinuć i pajści».

Niezadavolenaja jana tym bolš tamu, što chadzić u bank dy tracić lišni čas u jaje płany zusim nie ŭvachodziła — źbirałasia chutka pamianiać valutu i iści pa svaich spravach.

Kamientary4

  • usio bolš i bolš "lublu" našy banki
    28.01.2025
    banki źlili dadzienyja tych, chto danaciŭ
  • %
    28.01.2025
    Heta uvohule łajno bank staŭ. Ja jak zvyčajna ŭ siabie ŭ horadzie padychodžu da bankamata, abiraju NATURALNA biełaruskuju movu, zamaŭlaju źniaćcie najaŭnych i ... pamyłka (pajšoŭ nachier, praściej kažučy). Paŭtaraju sprobu. Toj samy adkaz. Dobra. Abiraju anhielskuju. I - kali łaska, voś vam hrošy. Toje samaje pa-maskalski. Pa-biełarusku - pamyłka. Žyviem - jak viadoma - u Rasiei
  • .
    28.01.2025
    Spraviadliva budzie, kali bank u takim vypadku apłacić kabiecie pasłuhi kurjera abo inkasatara za 1 hadzinu pa siarednierynačnych koštach.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Enihmatyčny piśmieńnik z Paleśsia Andruś Horvat pierapłaviŭ vyprabavańni 2020-ch u knihu «Dom»1

Enihmatyčny piśmieńnik z Paleśsia Andruś Horvat pierapłaviŭ vyprabavańni 2020-ch u knihu «Dom»

Usie naviny →
Usie naviny

Azaronak paśla raznosu Łukašenkam «Biełaruśfilma» pryjechaŭ zdymać stužku na Homielščynu7

«Nie mahu bolš bieź ciabie ja». Nastaśsia Rydleŭskaja vypuściła bolš čym sprečny klip11

Jak ajcišnik lehalizavaŭsia ŭ Čechii: tam ban dla biełarusaŭ, ale jość łajfchak5

Polskaja prakuratura patrabuje pastrožyć prysud biełarusu za špijanaž

Pamiłavany amal usie anarchisty? U tym liku Nasta Łojka?1

Ministr zamiežnych spraŭ Litvy sustreŭsia sa Śviatłanaj i Siarhiejem Cichanoŭskimi1

Pamiłavanyja jašče 16 čałaviek9

3 lipienia budzie da +35°S, a na nastupny dzień pachaładaje2

«Voś ubačycie. Praź niekalki tydniaŭ ci dzion». Namioki Łukašenki pra niejkija kroki vyrazali z tekstavaj viersii jaho pramovy15

bolš čytanych navin
bolš łajkanych navin

Enihmatyčny piśmieńnik z Paleśsia Andruś Horvat pierapłaviŭ vyprabavańni 2020-ch u knihu «Dom»1

Enihmatyčny piśmieńnik z Paleśsia Andruś Horvat pierapłaviŭ vyprabavańni 2020-ch u knihu «Dom»

Hałoŭnaje
Usie naviny →

Zaŭvaha:

 

 

 

 

Zakryć Paviedamić