11 sakavika (čaćvier) u efiry telekanała ANT źjavicca novaja prahrama «Vybar+», a z 15 sakavika na kanale pačnie vychodzić abnoŭlenaja viersija «Vybaru».
— My chočam prapanavać hledačam nie tolki ŭdzielničać u interaktyŭnym hałasavanni, ale i vykazvać svajo mierkavańnie nakont temy i haściej prahramy, — raskryvaje sutnaść novaŭviadzieńnia aŭtar i viadučy abodvuch prajektaŭ Siarhiej Darafiejeŭ. — Apytanni śviedčać, što za apošnija paŭhoda ŭ «Vybara» źjaviłasia svaja pastajannaja aŭdytoryja — heta adukavanyja, aktyŭnyja ludzi sa svajoj pazicyjaj i mierkavańniem, hatovyja jaho ščyra vykazać. Ciapier my damo takuju mahčymaść.
Sutnaść u tym, što ŭ tok‑šou źjavicca jašče adzin «surazmoŭca», akramia ekśpiertaŭ i viadučaha — heta SMS‑čat. Pakinuć svaje kamientary ŭ efiry hledačy zmohuć, dasłaŭšy tekstavaje paviedamleńnie na karotki numar 9922. Prymacca i raźmiaščacca ŭ efiry hetyja paviedamlenni buduć u druhoj častcy prahramy, u pieršaj ža zachavajecca interaktyŭnaje hałasavańnie.
Akramia taho, paviedamili na telekanale, hledačam budzie prapanavanaja i novaja «ŭpakoŭka» tok‑šou, jakoje źmienić hrafičnaje afarmleńnie.
«Vybar» praciahnie vychodzić u paniadziełki u pramym efiry.
A pa čaćviarhach temu budzie praciahvać jaho dadatak — hetki kamierny varyjant tok‑šou, na jakim u studyi ź viadučym budzie znachodzicca ŭsiaho adzin ci dva hosci.
«Padobny farmat dobra znajomy našamu hledaču, — adznačaje Siarhiej Darafiejeŭ, — choć jaho radzima — ZŠA, dzie prahramy takoha kšłtałtu praciahvajuć zbirać vialikuju aŭdytoryju. Mnie i samomu, pryznajusia, cikava, chto jany — našy čynoŭniki, ad jakich zaležyć u tym liku maja biaśpieka i taŭščynia kašalka…».
Haściami «Vybaru+», jak płanujecca, buduć samyja roznyja asoby — jak čynoŭniki roznych ranhaŭ, tak i viadomyja akciory, mastaki, spartsmieny, a taksama najbolš jarkija apanienty śviežaha vypusku tok‑šou «Vybar».
Pieršym hościem u «Vybar+» stanie ministr kultury Biełarusi Pavieł Łatuška.
ANT, čaćvier, 23:30.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary