Pres‑słužba Ministerstva zamiežnych spravaŭ raspaŭsiudziła kamientar adnosna pryniataj učora rezalucyi Jeŭraparłamienta pa situacyi ŭ Biełarusi.
Pres‑słužba Ministerstva zamiežnych spravaŭ raspaŭsiudziła kamientar adnosna pryniataj učora rezalucyi Jeŭraparłamienta pa situacyi ŭ Biełarusi.
«Rezalucyja Jeŭraparłamienta ŭ dačynieńni da Biełarusi adnabakovaja, tendencyjnaja i niedalnabačnaja», — zajaŭlajuć u MZS.
«Kali Jeŭraparłamient chacieŭ ŭnieści kanstruktyŭny ŭkład u pošuk šlachoŭ vyrašeńnia roznahałośsiaŭ, što ŭźnikli pamiž susiedziami, to vybranyja im srodki vidavočna niaŭdałyja ni pa źmieście, ni pa časie.
Pa‑pieršaje, rezalucyja nie maje ničoha ahulnaha z realnaj karcinaj ŭ halinie stanovišča nacyjanalnych mienšaściaŭ u Biełarusi. Heta paćvierdziać i biełaruskija hramadzianie, u tym liku jakija majuć polskija karani. Heta vidavočna i lubomu nieanhažavanamu zamiežnamu naziralniku.
Pa‑druhoje, pryniaćcie rezalucyi adbyvajecca ŭ momant aktyvizacyi dyjałohu pamiž Biełaruśsiu i Polščaj pa asobnych adčuvalnych pytańniach biełaruska‑polskich adnosin. Što heta: «miadźviedžaja pasłuha» ci sproba sarvać hety dyjałoh tymi siłami, jakija ŭ im, padobna, nie zacikaŭleny?
Pa‑treciaje, dziejničajučy padobnymi mietadami na tonkim lodzie mižnacyjanalnych adnosin, Jeŭraparłamient ryzykuje adkryć «skryniu Pandory» ź niepradkazalnymi nastupstvami jak unutry, tak i za miežami Jeŭrapiejskaha sajuza.
Na budučyniu, chaciełasia b, kab takaja vialikaja arhanizacyja jak Jeŭraparłamient zajmała bolš uzvažanuju i adkaznuju pazicyju, tym bolš u śfiery nacmienšaściaŭ, i nie paddavalisia na drobnyja intryhi asobnych pamočnikaŭ ad palityki», — havorycca ŭ kamientary MZS.
U rezalucyi Jeŭraparłamienta havorycca, što dalejšyja parušeńni pravoŭ čałavieka mohuć pryvieści da spynieńnia palityki dyjałohu Jeŭrasajuzu ź Biełaruśsiu. Jeŭraparłamient zaklikaŭ biełaruskija ŭłady zarehistravać Sajuz palakaŭ Biełarusi na čale z Anžalikaj Borys i pieradać arhanizacyi jaje ŭłasnaść.
Aprača taho ŭ rezalucyi vykazvajecca patrabavańnie vyzvalić z turmaŭ palityčnych aktyvistaŭ Andreja Bandarenku, Ivana Michajłava i Arcioma Dubskaha, zarehistravać pravaabarončy centr «Viasna» i partyju BCHD, jakim šmat razoŭ było admoŭlena ŭ lehalizacyi.
Kamientary