Hramadstva22

Znoŭ kałaps na miažy: ujezdu z Polščy ŭ Biełaruś čakajuć pa 12 hadzin

U piatnicu i subotu ŭ čatach, dzie biełarusy abmiarkoŭvajuć situacyju na miažy, pačali źjaŭlacca paviedamleńni pra vielmi doŭhaje čakańnie na pierachodzie «Tarespal — Brest» u bok Biełarusi. Pry hetym vializnych čerhaŭ niama.

Na polska-biełaruskaj miažy. Fota: HranicaBY / Telegram

Vielmi pavolna prajazdžajuć aŭtobusy. I sprava nie tolki ŭ čerhach, kažuć ludzi, jakija ciapier znachodziacca na miažy, kolki ŭ afarmleńni i dahladach, jakija ciahnucca vielmi doŭha. Pry hetym palakaŭ, choć taksama pavolna, ale prachodziać u siarednim za 3 — 4 hadziny, a dalej na moście aŭtobusy amal spyniajucca i vielmi marudna prasoŭvajucca da biełaruskaha prapusknoha punktu, paviedamlaje Biełsat.

«RP — RB. 31.01, čas polski. 21:00 — vyjezd z Vašavy Zachodniaj, zajechali ŭ aeraport. 23:55 — padjechali da šłahbauma ŭ Terespali. 02:45 — prajšli palakaŭ. 11:50 — zajechali ŭ Biełaruś. 12 hadzinaŭ na miažy biez čerhaŭ», — piša adzin z udzielnikaŭ telehram-čatu «HranicaBY».

Raspaviadajuć pra doŭhija dopyty na miažy:

«RP — RB, vyjezd u 20:30. 23:30 — pryjechali da miažy. 01:54 — prajšli palakaŭ. 05:10 — padjechali da RB. 10:20 — prajšli pašpartny kantrol (ale ludzi na dopytach). 11:24 (13:24 — čas RB) vyjechali ź miažy. 12 hadzinaŭ na miažu».

Niekatoryja z udzielnikaŭ čatu skardziacca, što ŭžo 11 hadzinaŭ stajać na miažy, prajšli pašpartny kantrol na polskim baku, na biełaruski dahetul nie trapili. Pry hetym u čarzie — adzin aŭtobus.

«Čamu RP — RB doŭha biełarusy prapuskajuć. Z čym źviazana, chto viedaje?» — pytajucca ŭ čacie.

Chtości piša ŭ adkaz, što doŭha praviarajuć zamiežnikaŭ, asabliva ŭkraincaŭ. Inšyja sprabujuć rastłumačyć situacyju tym, što ŭ Polščy raspačalisia kanikuły ŭ škołach i technikumach, i ciapier znoŭ bolš ludziej jedzie ŭ Biełaruś, jak i pierad śviatami. Adnak u toj ža čas amal usie adznačajuć, što aŭtobusaŭ na miažy nie šmat.

Doŭha čakajuć na miažy taksama tyja, chto jedzie z Polščy ŭ Biełaruś na aŭtamabilach, ale tam situacyja krychu inšaja: vialikaja čarha, ale samo afarmleńnie davoli chutkaje.

«RP — RB. 31.01.25. Ustali ŭ chvost čarhi kala znaka Minsk u 17:55 (čas polski). 01.02.25: ujezd na miažu RP u 04:20 (biez taksfry). Vyjezd z RP: 08:20. Zajezd u RB na zialony kanał — 08:35. Vyjezd ź miažy ŭ 09:05 (biez renthienu). Ahułam: 15 hadzinaŭ 10 chvilinaŭ».

Niekatoryja skardziacca na pilny dahlad:

«RP-RB. U našych pusta na kanałach. Niezrazumieła — u čym sprava? Na zajezd stajali pierad mastom 2,5 hadziny, praktyčna biez ruchu. Dahlad vielmi pilny, patrabujuć čeki (nie nakładnyja), praz mašynu — na renthien».

U advarotnym kirunku — ź Biełarusi ŭ Polšču — transpart ruchajecca chutčej. Pavodle danych «Biełmytservis», na prapusknym punkcie «Bieraście — Tarespal» pa stanie na 14:00 stajali 126 lehkavych aŭtamabilaŭ i 1 aŭtobus.

Papiarednim razam doŭha čakać ujezdu ŭ Biełaruś z Polščy davodziłasia pierad Kaladami — u 20-ch čysłach śniežnia 2024 hoda. Prachodžańnie miažy tady mahło zaniać da troch sodniaŭ. Padobnaja situacyja skłałasia na vyjezd u bok Polščy paśla 3 studzienia, kali biełarusy, što vyjechali na radzimu na śviaty, viartalisia ŭ Polšču.

Kamientary2

  • Žvir
    01.02.2025
    Niečaha matacca, tudy-siudy. Narmalnyja ludzi samalotami lotajuć.
  • Žora
    01.02.2025
    Žvir , niščabrod. Davaj piersanalnym biznes-džetam užo.

Ciapier čytajuć

Teraryst adkryŭ stralaninu ŭ centry Krakava. Jak minimum šeść čałaviek zahinuli32

Teraryst adkryŭ stralaninu ŭ centry Krakava. Jak minimum šeść čałaviek zahinuli

Usie naviny →
Usie naviny

Akcior z rasijskaha sieryjała «Ranietki» pamior ad kurynaj kostki ŭ horle1

Dzie ciapier Kirył Słuka? Jaho pieśniu «I nazvał tiebia lubimoj, lubimaja — Bie-ło-ruuuśsija» viedali ŭsie37

Tramp pryznačyŭ novym kiraŭnikom aparata Biełaha doma zmahara ź imihracyjaj Styvena Milera8

«Biełarus» sa Žłobinščyny sa šmatlikimi sudzimaściami i daŭhami pa alimientach zastaŭsia ŭ palach pad Kupianskam9

Kličko: U Kijevie nadzvyčaj składanaja situacyja z elektryčnaściu, ciapłom i vadoj1

Biełarusy sabrali try tysiačy nalepak ad bananaŭ

Tramp raskazaŭ pra novyja kantakty ŭ spravie ŭrehulavańnia kanfliktu va Ukrainie

U Vilni zaviaršajecca restaŭracyja Vostraj bramy. Znakamitaja «Pahonia» na fasadzie kardynalna źmianiła koler9

Prezident Parahvaja źmieščany pad chatni aryšt paśla krachu banka Ueno

bolš čytanych navin
bolš łajkanych navin

Teraryst adkryŭ stralaninu ŭ centry Krakava. Jak minimum šeść čałaviek zahinuli32

Teraryst adkryŭ stralaninu ŭ centry Krakava. Jak minimum šeść čałaviek zahinuli

Hałoŭnaje
Usie naviny →

Zaŭvaha:

 

 

 

 

Zakryć Paviedamić