Stała viadoma, za što buduć sudzić pieršaha namieśnika načalnika Kiraŭnictva spravami Łukašenki
Dźmitryju Rybko pahražaje da 15 hadoŭ źniavoleńnia tolki pa adnym z artykułaŭ.
50-hadovy Dźmitryj Rybko byŭ aryštavany ŭ studzieni 2024 hoda. «Naša Niva» paviedamlała pra jaho zatrymańnie, dziaržaŭnyja ŚMI praihnaravali hetu temu.
Na toj momant Rybko zajmaŭ vysokuju pasadu — byŭ pieršym namieśnikam načalnika Kiraŭnictva spravami Alaksandra Łukašenki. Ahułam ža ŭ sistemie Kiraŭnictva jon adpracavaŭ 20 hadoŭ.
Čytajcie taksama: Intryhi ŭ baraćbie za kresła načalnika Administracyi prezidenta: zatrymany Dźmitryj Rybko, z doški zdymajuć Nazarava
Bolš čym praz hod znachodžańnia ŭ SIZA funkcyjanier narešcie dajšoŭ da suda. 13 lutaha 2025 hoda ŭ Leninskim rajonnym sudzie Minska pačniecca zakryty karupcyjny praces.
Watch on TikTok
Na łavie padsudnych buduć try čałavieki — zhadany Rybko, a taksama dva kamiersanty, Vital Vińničak i Aleh Chamutoŭski.
Vińničak uznačalvaŭ budaŭničuju kampaniju «Uładzisłaŭbud», a Chamutoŭski — kampaniju «Akova», jakaja zajmajecca kantrolna-prapusknymi sistemami.
Ahułam u abvinavačańni piać kryminalnych artykułaŭ:
- 430 č. 3 — Atrymańnie chabaru ŭ asabliva bujnym pamiery albo asobaj, jakaja zajmaje adkaznaje pałažeńnie;
- 426 č. 2 — Pieravyšeńnie ŭłady albo słužbovymi paŭnamoctvami;
- 424 č. 3 — Złoŭžyvańnie ŭładaj albo słužbovymi paŭnamoctvami;
- 430 č. 1 — Atrymańnie chabaru;
- 431 č. 3 — Dača chabaru.
Jaki kankretny artykuł zakranaje kaho ź fihurantaŭ, dakładna nieviadoma. Adnak łohika adnosinaŭ padkazvaje, što kamiersanty, chutčej, buduć adkazvać za daču chabaru, a top-mieniedžar Kiraŭnictva spravami — za jaho atrymańnie, a taksama za złoŭžyvańnie ŭładaj.
Za samy ciažki z artykułaŭ — 430 č.3 — Rybko pahražaje da 15 hadoŭ źniavoleńnia.
Kamientary