Ci mohuć u ZAHSie admović u rehistracyi šlubu z-za dres-koda? Akazvajecca, jość niuans
Ustanaŭlivać abmiežavańni na źniešni vyhlad maładych orhany ZAHSa nie majuć prava. Adnak isnujuć ahulnyja patrabavańni.
ZAHS nie moža admović u rehistracyi šlubu, spasyłajučysia na dres-kod.
Pieralik pieraškod dla zaklučeńnia šlubu vyznačany Kodeksam ab šlubie i siamji. Adnak nijakaha dres-koda ci abmiežavańniaŭ pa formie adzieńnia maładych zakonam nie praduhledžana, paviedamili ŭ Hałoŭnym upraŭleńni justycyi Homielskaj vobłaści.
Ustanaŭlivać abmiežavańni pa dres-kodu samastojna orhany ZAHSa nie majuć prava. Heta pryviało b da parušeńnia prava čałavieka na svabodu samavyjaŭleńnia, ličać čynoŭniki. Ale jość niuans: forma adzieńnia pavinna adpaviadać «normam marali i etyki».
Taksama va ŭpraŭleńni justycyi rastłumačyli, ci možna padać zajavu na rehistracyju šlubu biez adnaho z budučych muža i žonki. Heta mahčyma, kali prysutnaść žanicha abo niaviesty ŭskładniena: naprykład, jon abo jana žyvie ŭ inšym horadzie ci krainie, znachodzicca na lačeńni, prachodzić terminovuju vajskovuju słužbu.
Zajava ŭ takim vypadku ŭsio roŭna pavinna być padpisana abodvuma asobami, jakija ŭstupajuć u šlub. Podpis adsutnaha pavinien być zaśviedčany supracoŭnikam ZAHSa abo nataryusam i zmacavany hierbavaj piačatkaj.
Kamientary
...
to bok u kupalniku možna? bo jakaja maral i adzieńnie moža być u krainie konkursaŭ miss -pastaŭščykoŭ junych cieł dla harema