«Fiładelfija Ihłz» vyjhrała Supierboŭł — hałoŭnuju spartyŭnuju padzieju ZŠA
U noč na 10 lutaha ŭ Novym Arleanie adbyŭsia finał siezona Nacyjanalnaj futbolnaj lihi (NFŁ) — Supierboŭł LIX.
U vyrašalnym matčy pa amierykanskim futbole sustrelisia dziejnyja čempijony «Kanzas-Sici Čyfs» i čempijony 2017 hoda «Fiładelfija Ihłz». Hulnia zaviaršyłasia pieramohaj «Fiładelfii» ź likam 40:22.
Pieršyja try čverci prajšli pad dyktoŭku «Ihłz»: 7:0, 17:0, 10:6. U apošniaj čverci «Čyfs» zdoleli vyjhrać ź likam 16:6, ale hetaha było niedastatkova dla ahulnaj pieramohi. Takim čynam, «Kanzas-Sici Čyfs» nie zdoleli zavajavać čempijonski tytuł treci hod zapar, choć dva papiarednija turniry byli za imi.
«Supierboŭł», što zvyčajna pravodzicca ŭ pieršuju ci druhuju niadzielu lutaha, źjaŭlajecca hałoŭnaj spartyŭnaj padziejaj hoda ŭ ZŠA, aŭdytoryja składaje ŭ ZŠA bolš za 100 młn hledačoŭ. 30-siekundny rekłamny rolik składaje 8 młn dalaraŭ.
Chedłajnieram tradycyjnaha šou ŭ pierapynku matča staŭ amierykanski repier i chip-chop-vykanaŭca Kiendryk Łamar. Śpiecyjalnaj hościaj jaho vystupleńnia była abvieščana śpiavačka SZA.
Kamientary