Sinoptyk Dźmitryj Rabaŭ u efiry telekanała ANT paviedamiŭ, što zima narešcie pakazała svoj noraŭ, tamu raźličvać na toje, što ŭžo najbližejšymi dniami nastanie viasna, nie varta.
«Niama sumnievaŭ, što luty stanie samym chałodnym zimovym miesiacam siezonu i adpracuje i śnieham, i marazami», — adznačyŭ sinoptyk i padkreśliŭ, što chaładoŭ dadaduć paŭnočny viecier i vilhotnaść.
Pa słovach Dźmitryja Rabava, apošnija 10 dzion lutaha vieści rej u Biełarusi buduć atmaśfiernyja franty, jakija pryniasuć z saboj śnieh.
U pačatku tydnia za nadvorje pačnuć adkazvać atmaśfiernyja franty z paŭnočnaha zachadu Jeŭropy. Zachavajecca maroznaje nadvorje, u bolšaści rajonaŭ projdzie nievialiki karotkačasovy śnieh. Vobłačna z prajaśnieńniami. Nočču i ranicaj słaby tuman. Na asobnych učastkach daroh hałalodzica. Vilhotnaść da 80%. Viecier paŭnočna-zachodni, paŭnočny, umierany. Tempieratura ŭ paniadziełak unačy ad -9°C da -15 °C, u aŭtorak na 2-3°C ciaplej.
Dniom u paniadziełak ad -2°S da -7°S, u aŭtorak ad -1°S da -6°S. Bližej da siaredziny tydnia mieteaŭmovy stanie vyznačać vobłaść vysokaha atmaśfiernaha cisku, na fonie jakoha projduć małaaktyŭnyja atmaśfiernyja franty. Budzie pieravažać vobłačnaje z prajaśnieńniami nadvorje. Projdzie nievialiki karotkačasovy śnieh. Viecier paŭnočna-zachodni, paŭnočny, umierany. Vilhotnaść da 80%. Słaby hałalod, na darohach miescami hałalodzica. Nočču ŭ sieradu ad -3°S da -8°S, u dzionnyja hadziny ad 0 da -5°S.
Papiarednie, u pačatku druhoj pałovy tydnia ŭmovy nadvorja stanie vyznačać antycykłon z centram nad paŭnočnym zachadam Rasii. Bieź istotnych apadkaŭ. Viecier paŭnočna-ŭschodni, paŭnočny, umierany. Vilhotnaść da 80%. Nočču ad -6°S da -12°S. Dniom u čaćvier ad -2°S da -7°S, u piatnicu ad -3 da -8°S.
U apošnija vychadnyja lutaha na nadvorje praciahnie akazvać upłyŭ chałodny antycykłon. Pieramiennaja vobłačnaść, u bolšaści rajonaŭ biez apadkaŭ. Viecier uschodni, paŭnočna-ŭschodni, umierany. Nočču i ranicaj tuman. Vilhotnaść da 70%. Unačy ad -9°S da -15°S, u siaredzinie dnia ŭ subotu ad -4°S da -9°S, u niadzielu ad -3°S da -7°S.
Ciapier čytajuć
Bieź pieśniaŭ Mieładze i ŭ formie: jak projduć vypusknyja ŭ škołach i dziciačych sadkach1
Kamientary