«Heta niemahčyma». Zialenski adkazaŭ Trampu na mahčymaść praviadzieńnia zaraz vybaraŭ
«Kali chtości choča źmianić mianie prosta zaraz, to prosta zaraz nijak nie atrymajecca», — skazaŭ Zialenski.
Prezident Ukrainy Uładzimir Zialenski zajaviŭ, što vybary ŭ krainie ŭ bližejšy čas pravieści niemahčyma. Pra heta jon paviedamiŭ padčas pres-kanfierencyi, piša «Novaja hazieta».
«Kali chtości choča źmianić mianie prosta zaraz, to prosta zaraz nijak nie atrymajecca», — skazaŭ Zialenski.
Napiaredadni kiraŭnik Biełaha doma Donald Tramp zajaviŭ, što kali Ukraina choča sieści za stoł pieramovaŭ, u krainie pavinny adbycca vybary. Pavodle jaho słoŭ, rejtynh Zialenskaha składaje ŭsiaho 4%, adnak nijakich dokazaŭ hetym słovam jon nie pradstaviŭ.
Prezident Ukrainy, u svaju čarhu, spasłaŭsia na apytańnie Kijeŭskaha mižnarodnaha instytuta sacyjałohii (KMIS), praviedzienaje z 4 pa 9 lutaha. Pavodle vynikaŭ, 57% ukraincaŭ daviarajuć Zialenskamu, 37% — nie daviarajuć.
«Ja čuŭ i pra bolš za 57% pavodle roznych apytańniaŭ. <…> Raz užo havorym pra 4%, my bačyli hetuju dezinfarmacyju, my razumiejem, što jana idzie z Rasii. U nas jość dokazy, što hetyja ličby abmiarkoŭvajucca pamiž Amierykaj i Rasijaj. Na žal, Tramp žyvie ŭ hetym dezinfarmacyjnym asiarodździ», — ličyć ukrainski lidar.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
Što da padtrymki Zialenskaha, to 57% mienavita padtrymki - najchutčej, chłuśnia. A voś, što tyčycca, daviarajuć ci nie daviarajuć - to mahčyma. Bo ludzi razumiejuć, što zaraz sproby pačać źmienu ŭłady mohuć pryvieści da źniščeńnia krainy. Tamu i daviarajuć kiravańnie tamu, chto ŭžo jość. Nu i 4% padtrymki z vusnaŭ Trampa - chłuśnia, jakaja hruntujecca na rasijskaj prapahandzie, heta tak i jość.
Kiepska, što ŭkrainskaja dypłamatyja nie pracavała z budučaj amierykanskaj ŭładaj i nie pracuje ciapier, addaŭšy jaje na vodkup rasijcam, jakija Trampa niakiepska tak akučyli.