«Гэта немагчыма». Зяленскі адказаў Трампу на магчымасць правядзення зараз выбараў
«Калі хтосьці хоча змяніць мяне проста зараз, то проста зараз ніяк не атрымаецца», — сказаў Зяленскі.
Прэзідэнт Украіны Уладзімір Зяленскі заявіў, што выбары ў краіне ў бліжэйшы час правесці немагчыма. Пра гэта ён паведаміў падчас прэс-канферэнцыі, піша «Новая газета».
«Калі хтосьці хоча змяніць мяне проста зараз, то проста зараз ніяк не атрымаецца», — сказаў Зяленскі.
Напярэдадні кіраўнік Белага дома Дональд Трамп заявіў, што калі Украіна хоча сесці за стол перамоваў, у краіне павінны адбыцца выбары. Паводле яго слоў, рэйтынг Зяленскага складае ўсяго 4%, аднак ніякіх доказаў гэтым словам ён не прадставіў.
Прэзідэнт Украіны, у сваю чаргу, спаслаўся на апытанне Кіеўскага міжнароднага інстытута сацыялогіі (КМІС), праведзенае з 4 па 9 лютага. Паводле вынікаў, 57% украінцаў давяраюць Зяленскаму, 37% — не давяраюць.
«Я чуў і пра больш за 57% паводле розных апытанняў. <…> Раз ужо гаворым пра 4%, мы бачылі гэтую дэзінфармацыю, мы разумеем, што яна ідзе з Расіі. У нас ёсць доказы, што гэтыя лічбы абмяркоўваюцца паміж Амерыкай і Расіяй. На жаль, Трамп жыве ў гэтым дэзінфармацыйным асяроддзі», — лічыць украінскі лідар.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары
Што да падтрымкі Зяленскага, то 57% менавіта падтрымкі - найхутчэй, хлусня. А вось, што тычыцца, давяраюць ці не давяраюць - то магчыма. Бо людзі разумеюць, што зараз спробы пачаць змену ўлады могуць прывесці да знішчэння краіны. Таму і давяраюць кіраванне таму, хто ўжо ёсць. Ну і 4% падтрымкі з вуснаў Трампа - хлусня, якая грунтуецца на расійскай прапагандзе, гэта так і ёсць.
Кепска, што ўкраінская дыпламатыя не працавала з будучай амерыканскай ўладай і не працуе цяпер, аддаўшы яе на водкуп расійцам, якія Трампа някепска так акучылі.