ZŠA zapatrabavali nie nazyvać Rasiju «ahresaram» u zajavie G7 pa Ukrainie
ZŠA vystupili suprać taho, kab nazvać Rasiju ahresaram u zajavie «Vialikaj siamiorki» (G7), jakaja rychtujecca z nahody treciaj hadaviny ŭvarvańnia RF va Ukrainu. Pra heta Financial Times raskazali piać daśviedčanych zachodnich čynoŭnikaŭ.
Pavodle infarmacyi surazmoŭcaŭ vydańnia, pradstaŭniki ZŠA piarečać suprać frazy «rasijskaja ahresija» i padobnych definicyj, jakija lidary G7 vykarystoŭvajuć z 2022 hoda dla apisańnia vajny va Ukrainie.
«My ćviorda pierakananyja, što nieabchodna pravodzić adroźnieńnie pamiž Rasijaj i Ukrainaj. Heta nie toje samaje. Amierykancy błakujuć hetuju farmuloŭku, ale my ŭsio jašče pracujem nad hetym i spadziajemsia na pahadnieńnie», — skazaŭ FT adzin z čynoŭnikaŭ, jaki vałodaje infarmacyjaj pra hetuju dyskusiju.
Krynicy taksama adznačyli, što ŭdzieł prezidenta Ukrainy Uładzimira Zialenskaha ŭ anłajn-samicie G7 u paniadziełak, 24 lutaha, taksama pakul nie ŭzhodnieny. Ambasada ZŠA ŭ Kijevie nie stała kamientavać situacyju, piša FT.
U «Vialikuju siamiorku», akramia Štataŭ, uvachodziać Hiermanija, Vialikabrytanija, Italija, Kanada, Francyja i Japonija.
13 lutaha prezident ZŠA Donald Tramp zajaviŭ, što Rasiju treba viarnuć nazad u skład G7. Krainu vyklučyli z hetaha niefarmalnaha abjadnańnia paśla anieksii Kryma ŭ 2014 hodzie.
«Zialenski spaŭ»: Tramp zajaŭlaje, što ŭ Kijevie hruba abyšlisia ź jaho ministram finansaŭ, jaki pryvioz prajekt pahadnieńnia pra nietry
«Spadar prezident, nie Ukraina pačała hetuju vajnu». Zajavy Trampa ab Ukrainie i jaho kanflikt ź Zialenskim šakavali mnohich respublikancaŭ
Daradca Trampa źviazaŭ jaho rezkija zajavy ab Ukrainie z zatrymkaj «pahadnieńnia pa karysnych vykapniach»
Na X-staroncy Biełaha doma na Trampa nadzieli karaleŭskuju karonu. Heta ździeklivy adkaz apazicyi
Džej Dzi Vens pahražaje Zialenskamu za kiepskija słovy pra Trampa
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary