Usiaho patrochu11

U jakoj avijakampanii najlepšy ekanom-kłas, a dzie samy šykoŭny «biznes» FOTY

Stali viadomy vyniki suśvietnaha konkursu, jaki aceńvaje ŭmovy na borcie avijakampanij u roznych kłasach absłuhoŭvańnia.

Fota: airlineratings.com

Kansałtynhavaja kampanija Skytrax, jakaja śpiecyjalizujecca na vyvučeńni jakaści pasłuh u avijacyjnaj halinie, abviaściła pieramožcaŭ premii World Airline Awards 2025 hoda ŭ takich naminacyjach, jak najlepšy ŭ śviecie ekanom-kłas, premium-ekanom, biznes i pieršy kłas. Pieramožcaŭ vybirajuć z dapamohaj anłajn-apytańnia pasažyraŭ. World Airline Awards ličacca «Oskaram avijacyjnaj haliny».

Najlepšy ekanom-kłas

U hetaj naminacyi pieramahła avijakampanija Korean Air, jakaja atrymała pryznańnie pasažyraŭ za prastornyja siadzieńni i vyklučny kamfort. Adznačajecca, što kampanija prapanoŭvaje samyja prastornyja ŭ śviecie kresły ŭ ekanom-kłasie. Pasažyry vysoka aceńvajuć prastoru i miesca dla noh. Akramia taho, jany atrymlivajuć dadatkovyja bonusy, takija jak tapki i vialikija porcyi ježy.

Sałon ekanom-kłasa avijakampanii Korean Air. Fota: liveandletsfly.com

Druhoje miesca zaniała avijakampanija Air New Zealand, jakaja atrymała vysokuju adznaku za svaje inavacyi, u pryvatnaści za kresły SkyCuch i Skynest.

Kresły SkyCuch adroźnivajucca ad zvyčajnych tym, što majuć padstaŭku dla noh, jakuju možna padniać da ŭzroŭniu siadzieńnia i takim čynam stvaryć ahulnuju prastoru. Kali heta zrabić z usimi tryma kresłami ŭ adnym šerahu, to atrymlivajecca łožak daŭžynioj 155 i šyrynioj 74 santymietry. Kampanija taksama daje paścielnuju bializnu, čachoł dla siadzieńnia i śpiecyjalny kamplekt z ramniom biaśpieki.

Kresły SkyCuch avijakampanii Air New Zealand. Fota: airlineratings.com

Skynest — bolš składanaja i navatarskaja kancepcyja, jakaja ŭklučaje šeść asobnych adsiekaŭ, jakija abstalavany śviacilnikami dla čytańnia, USB-partami i vientylacyjaj. Kožny adsiek dazvalaje pasažyram ekanom-kłasa na zvyšdoŭhich rejsach lehčy haryzantalna i skarystacca paścielnymi prynaležnaściami. Hetaja navacyja pačnie vykarystoŭvacca ŭ 2026 hodzie.

Najlepšy premium-ekanom

Jak adznačajuć arhanizatary konkursu, u hetaj katehoryi pieramožcu było vielmi składana vybrać. Pretendentaŭ na pieršaje miesca było dzieviać. Daviałosia źviartać uvahu na takija niaznačnyja detali, jak, naprykład, tualety, jakaść pledaŭ, raźmiaščeńnie sałona.

U vyniku adnolkavuju kolkaść adznak atrymali dźvie kampanii — Emirates i Qantas.

Premiŭm-ekanom sałon avijakampanii Emirates. Fota: emirates.com

Abiedźvie avijakampanii padajuć ježu, jak u biznes-kłasie, na posudzie z farforu, a napitki ŭ šklanych kielichach. Pasažyraŭ absłuhoŭvaje śpiecyjalny piersanał.

Najlepšy premium-ekanom pa suadnosinach cany i jakaści

U toj čas jak niekatoryja avijakampanii vyłučajucca svaimi premiŭm-pasłuhami, inšyja zasiarodžvajucca na vyklučnych suadnosinach cany i jakaści. I prykładam tut užo druhi hod zapar źjaŭlajecca kampanija Vietnam Airlines.

Premium-ekanom sałon avijakampanii Vietnam Airlines. Fota: vietnamairlines.com

Choć ježa, jakaja padajecca ŭ premium-ekanom kampanii, takaja ž, jak i ŭ ekanom-kłasie, a napoi padajucca albo ŭ posudzie sa škła, albo ŭ płastyku ŭ zaležnaści ad maršrutu, pasažyry tym nie mienš atrymlivajuć pryjarytetnuju rehistracyju, pasadku i absłuhoŭvańnie bahažu. Prastornyja siadzieńni, raźmieščanyja pa schiemie 2-3-2, majuć vialikuju prastoru dla noh.

Pasažyry taksama mohuć skarystacca USB-partami dla zaradki i takimi pradumanymi vyhodami, jak darožny i kaśmietyčny nabor. I ŭsio heta biez dadatkovaj płaty.

Sałon premium-ekanom avijakampanii TUI. Fota: airlineratings.com

Druhoje miesca zaniała kampanija TUI, pasažyry jakoj, nabyŭšy premium-ekanom bilet, majuć pryjarytetnuju rehistracyju i pasadku, a ŭ sałonie — kamfortnuju adlehłaść pamiž siadzieńniami. Jany mohuć skarystacca śpiecyjalnym naboram, jaki ŭklučaje navušniki z šumapadaŭleńniem, a taksama pledam i paduškaj. Pierad vyletam pasažyraŭ pačastujuć kielicham prasieka, a na praciahu ŭsiaho rejsa buduć prapanavany biaspłatnyja napoi premium-kłasa.

Najlepšy biznes-kłas

Jak i ŭ minułym hodzie, u katehoryi biznes-kłas pieramožcam stała kampanija Qatar Airways z sałonam Qsuite, jaki vykanany ŭ kampanoŭcy 1-2-1. Kožnaje miesca izalavana rassoŭnymi dźviaryma, što zabiaśpiečvaje poŭnuju kanfidencyjalnaść pasažyraŭ. Dla par ci tych, chto padarožničaje razam, Qsuite prapanuje dvuchmiesnuju kabinu z łožkam dla dvaich.

Sałon Qsuite kampanii Qatar Airways. Fota: qatarairways.com

Druhoje miesca zaniaŭ sałon Aria Suite avijakampanii Cathay Pacific, jaki praktyčna ničym nie adroźnivajecca ad sałonu Qatar Airways akramia mahčymaści stvareńnia łožku dla dvaich.

Sałon Aria Suite avijakampanii Cathay Pacific. Fota: flights.cathaypacific.com

Najlepšy pieršy kłas

Pieršaje miesca ŭ katehoryi «Najlepšy pieršy kłas» zajmaje sałon Skyroom ad Singapore Airlines, asnoŭny akcent u jakim zrobleny na asobnym raskładnym łožku, jaki abstalavany premijalnaj paścielnaj bializnaj, koŭdraj i miakkimi paduškami.

Sałon pieršaha kłasa avijakampanii Singapore Airlines. Fota: singaporeair.com

Jaho ŭzhałoŭje zabiaśpiečana hazavaj spružynaj, što dazvalaje pasažyram ležačy zručna hladzieć filmy. Apuściŭšy pieraharodki pamiž kabinkami, možna stvaryć dvuchspalny łožak.

Sałon pieršaha kłasa avijakampanii Etihad Airways. Fota: etihad.com

Nie mienš raskošnaje padarožža čakaje pasažyraŭ u pieršym kłasie Etihad Airways, jaki zaniaŭ druhoje miesca ŭ rejtynhu. Admietnaściu absłuhoŭvańnia źjaŭlajecca charčavańnie. Pasažyry majuć mahčymaść pakaštavać hurmanskija stravy à la carte, padadzienyja na taniutkim farforavym posudzie, a napoi — u premijalnych kielichach. Na niekatorych maršrutach avijakampanii na borcie pracuje šef-povar, jaki hatuje stravy ŭ adpaviednaści z pažadańniami pasažyraŭ.

Kamientary1

  • Žvir
    28.02.2025
    Jak dla mianie, dyk samaja lepšaja ekanom klasa ŭ Finnair, a biznes klasa ŭ British Airways.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp raskrytykavaŭ Zialenskaha za zajavu, što Ukraina nikoli nie pryznaje Krym rasijskim6

Tramp raskrytykavaŭ Zialenskaha za zajavu, što Ukraina nikoli nie pryznaje Krym rasijskim

Usie naviny →
Usie naviny

Adkul u Biełaruś jedzie bolš za ŭsio hastarbajtaraŭ? Top-20 krain — i Pakistana tut pakul niama8

Marka Rubia nie budzie na łondanskaj sustrečy pa Ukrainie

Čamu biełarusaŭ nie abirajuć kardynałami?7

Navukoŭcy Oksfardskaha ŭniviersiteta dziesiacihodździami pili z čašy, zroblenaj z čałaviečaha čerapa

U Dziarždepartamiencie ZŠA buduć radykalna skaračać struktury, zaniatyja pravami čałavieka4

Słavu Kamisaranku pazbavili rasijskaha hramadzianstva8

Piaskoŭ nie paćvierdziŭ, što Pucin hatovy abmiežavacca faktyčna akupavanymi terytoryjami Ukrainy

Pucin prapanavaŭ spynić kanflikt pa ciapierašniaj linii frontu — Financial Times12

Zialenski: Ukraina jurydyčna nie pryznaje akupacyju Kryma, jość Kanstytucyja

bolš čytanych navin
bolš łajkanych navin

Tramp raskrytykavaŭ Zialenskaha za zajavu, što Ukraina nikoli nie pryznaje Krym rasijskim6

Tramp raskrytykavaŭ Zialenskaha za zajavu, što Ukraina nikoli nie pryznaje Krym rasijskim

Hałoŭnaje
Usie naviny →

Zaŭvaha:

 

 

 

 

Zakryć Paviedamić