Vałožynskaja rajonnaja hazieta «Pracoŭnaja słava» paviedamiła, što ŭ ramkach akcyi «Siabrujem z zakonam!» supracoŭniki inśpiekcyi pa spravach niepaŭnaletnich Vałožynskaha RAUS zładzili vučniam z roznych škoł rajona ekskursiju ŭ Minsk.

Miescam naviedvańnia staŭ pryjomnik-raźmierkavalnik dla niepaŭnaletnich UUS Minabłvykankama, jaki mieścicca na zavułku Akreścina.
«Padčas ekskursii školnikam patłumačyli asnovy i paradak utrymańnia ŭ pryjomniku. Chłopcy zmahli pahutaryć ź dziećmi, jakija na hety momant znachodziacca va ŭstanovie. U chodzie razmovy jany pažadali adzin adnamu pośpiechu i ciarpieńnia», — piša rajonnaja hazieta.
Vyhladaje, što takija pajezdki ładziacca płanava i muściać achapić roznyja rehijony. Raniej paviedamlałasia pra takuju samuju ekskursiju, jakuju zładzili dla školnikaŭ Smarhonskaha rajona.
Kamientary