Валожынская раённая газета «Працоўная слава» паведаміла, што ў рамках акцыі «Сябруем з законам!» супрацоўнікі інспекцыі па справах непаўналетніх Валожынскага РАУС зладзілі вучням з розных школ раёна экскурсію ў Мінск.
Месцам наведвання стаў прыёмнік-размеркавальнік для непаўналетніх УУС Мінаблвыканкама, які месціцца на завулку Акрэсціна.
«Падчас экскурсіі школьнікам патлумачылі асновы і парадак утрымання ў прыёмніку. Хлопцы змаглі пагутарыць з дзецьмі, якія на гэты момант знаходзяцца ва ўстанове. У ходзе размовы яны пажадалі адзін аднаму поспеху і цярпення», — піша раённая газета.
Выглядае, што такія паездкі ладзяцца планава і мусцяць ахапіць розныя рэгіёны. Раней паведамлялася пра такую самую экскурсію, якую зладзілі для школьнікаў Смаргонскага раёна.
Каментары