Dla orhanaŭ zakanadaŭstva ŭ centry Minska buduć uźviedzieny try budynki
Alaksandram Łukašenkam pryniata rašeńnie ab budaŭnictvie dla orhanaŭ zakanadaŭstva budynkaŭ u centry Minska.
Pra heta paviedamiŭ 18 sakavika staršynia pastajannaj kamisii pa zakanadaŭstvie i dziaržaŭnym budaŭnictvie Savieta Respubliki Jaŭhien Śmirnoŭ, vystupajučy pierad słuchačami Instytuta pierapadrychtoŭki i pavyšeńnia kvalifikacyi sudździaŭ, rabotnikaŭ prakuratury, sudoŭ i ŭstanoŭ justycyi BDU — staršyniami rajonnych i haradskich sudoŭ.
Sustreča prachodziła ŭ vierchniaj pałacie biełaruskaha parłamienta.
Novyja budynki raźmieściacca nasuprać ciapierašniaha korpusa Savieta Respubliki, što znachodzicca ŭ Minsku na vulicy Čyrvonaarmiejskaj nasuprać budynka byłoj Nacyjanalnaj biblijateki.
Pavodle słoŭ Jaŭhiena Śmirnova, budynki buduć uźviedzieny z vykarystańniem asobnych architekturnych asablivaściaŭ biblijateki. U troch «słupkach», pavodle jaho vykazvańnia, raźmieściacca
Kanstytucyjny sud, Pałata pradstaŭnikoŭ i Saviet Respubliki.
Ci to žartam, ci to ŭsurjoz parłamientaryj skazaŭ, što rašeńnie prezidenta skiravana ŭ tym liku na «architekturnaje pavyšeńnie statusu zakanadaŭčaj haliny ŭłady».
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB19
Kamientary