Buduć sudzić doktara-zamiežnika adnoj ź minskich paliklinik, jaki padrablaŭ recepty na kropli ŭ vočy
U sud nakiravana kryminalnaja sprava ŭ dačynieńni da 55-hadovaha raniej sudzimaha zamiežnika, jakoha abvinavačvajuć u padrobcy recepturnych błankaŭ, raspaviali vydańniu «Minsk-Naviny» ŭ prakuratury Centralnaha rajona.
Supracoŭniki milicyi pa padazreńni ŭ vyrabie niesapraŭdnych receptaŭ zatrymali doktara ahulnaj praktyki, jaki pracavaŭ u adnoj sa staličnych paliklinik. U jaho kvatery na pr. Pieramožcaŭ byli kanfiskavany roznyja recepturnyja błanki, a ŭ kampjutary znojdzieny elektronnyja ŭzory dakumientaŭ ź piačatkami i podpisami inšych daktaroŭ.
Jak piša vydańnie, hetyja vočnyja kropli, jakija adpuskajucca stroha pa recepcie, ujaŭlajuć cikavaść dla narkazaležnych ludziej, jakija dla dasiahnieńnia ejfaryi ŭkałyvajuć ich nutravienna.
Za padrobku aficyjnaha dakumienta zaviedziena kryminalnaja sprava pa č. 2 art. 380 KK. Vinu zamiežnik nie pryznaŭ.
Ciapier čytajuć
Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść7
Kamientary