Siońnia nočču Jeŭropa i Ukraina piarojduć na letni čas. Ci treba pieravodzić strełki biełarusam?
Biełaruś, jak Rasija i krainy SND, strełki hadzińnikaŭ užo niekalki hadoŭ nie pieravodziać.
U noč na 30 sakavika strełki hadzińnikaŭ buduć pieraviedzienyja na hadzinu napierad. Na letni čas piarojduć krainy ES, Ukraina, šerah krain u śviecie.
Roźnicy ŭ časie pamiž Minskam i Kijevam, Vilniaj, Ryhaj i Talinam nie budzie. Z Varšavaj i Bierlinam roźnica ŭ časie budzie składać hadzinu.
Ci treba pieravodzić strełki biełarusam?
U Biełarusi nie treba, naša kraina, jak i Rasija, i mnohija krainy SND nie pieravodzić strełki z 2011 hoda.
Ale navat kali vy i žyviacie ŭ Jeŭropie, to sučasnyja hadžety, chutčej za ŭsio, sami pieraviaducca. Zastajecca pieravieści tolki naściennyja i naručnyja hadzińniki, tajmiery ŭ duchoŭkach i mikrachvaloŭkach.
Pierachod na letni čas krychu skarektuje raskład aŭtobusaŭ u zachodnim kirunku. Samaloty na Zachad nie lotajuć, ciahniki nie chodziać.
Kamientary
Apoŭdni musić być pasiaredzinie.
Kali siaredzina dnia roŭna a dvanaccataj - dziaržaŭny čas adpaviadaje pryrodnamu.