U Italii zatrymali rumynaŭ, što mianiali staryja biełaruskija kupiury na jeŭra
U italjanskaj pravincyi Brešyja zatrymali čatyroch hramadzian Rumynii, jakija sprabavali abmianiać vyviedzienyja z abaračeńnia biełaruskija banknoty na jeŭra, piša «Biełaruś i śviet» sa spasyłkaj na Corriere della Sera.
Incydent adbyŭsia ŭ sieradu, 26 sakavika, dniom na darozie 45bis kala italjanskaj kamuny Basana-Brešana. Čatyry rumyny, adzin ź jakich byŭ niepaŭnaletni, pieramiaščalisia na ŭsiedarožniku BMW X6 z anhlijskimi numarami. Jany spyniali mašyny i prasili kiroŭcaŭ abmianiać zamiežnyja kupiury na jeŭra, kab, nibyta, zapravicca.
Ich płan sarvaŭ karabinier, jaki viartaŭsia dadomu paśla słužby i zaŭvažyŭ sprobu machlarstva. Jon patelefanavaŭ kaleham, i tyja apieratyŭna pryjechali na miesca, zatrymaŭšy padazravanych.
Na momant zatrymańnia machlary ŭžo amal ašukali 23-hadovuju žančynu. Jana adhuknułasia na prośbu 16-hadovaha chłopca i ŭžo pieradała jamu kupiuru ŭ 50 jeŭra. Padletak užo adychodziŭ, kali źjavilisia pravaachoŭniki. U vyniku ŭsich čatyroch zatrymali, hrošy žančynie viarnuli, jana padała zajavu.
U padletka kanfiskavali 22 banknoty naminałam 500 biełaruskich rubloŭ i 2 kupiury ŭ 1000 rumynskich lejaŭ — usie ŭžo nie źjaŭlajucca zakonnym srodkam apłaty. Paśla zatrymańnia ŭsich adpuścili da suda, nie źmiaščajučy pad vartu.
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Kamientary
"Paśla zatrymańnia ŭsich adpuścili da suda, nie źmiaščajučy pad vartu."
Eto, koniečno, fiejerično.🤦🏻♂️